इण्डोनेसियाली सामानहरूमा १९ प्रतिशत कर लाग्ने ट्रम्पको घोषणा
३२ असार, अमेरिका।
अमेरिकी राष्ट्रपति डोनाल्ड ट्रम्पले मंगलवार इण्डोनेसियाबाट संयुक्त राज्य अमेरिकामा निर्यात हुने सबै सामानहरूमा १९ प्रतिशत कर लगाउने घोषणा गर्नुभएको छ । इण्डोनेसियामा अमेरिकी निर्यातहरू कर– र गैर–कर अवरोधहरूबाट मुक्त हुने उहाँको भनाइ छ ।
इण्डोनेसियाका राष्ट्रपति प्रबोवो सुबियान्तोसँग कुरा गरेपछि एउटा महत्वपूर्ण सम्झौतालाई अन्तिम रूप दिएको ट्रम्पको भनाइ छ । सम्झौताको एक भागको रूपमा इण्डोनेसियाले अमेरिकी बजारबाट १५ अर्ब अमेरिकी डलरको ऊर्जा र ४.५ अर्ब डलरको कृषि उत्पादनहरू खरिद गर्न प्रतिवद्धता जनाएको छ । साथै ५० बोइङ जेटहरू पनि छन् ।
Post Comment