बाढीपीडितलाई केडिया परिवारको एक करोड सहयोग

१७ भदौ, सर्लाही ।

सर्लाहीको हरिवनस्थित इन्दु शंकर चिनी उद्योग लिमिटेडले भोटेकोशी बाढीबाट प्रभावित नागरिकका लागि राहतस्वरूप ३५ लाख रुपैयाँ सहयोग गरेको छ। उद्योग सञ्चालक केडिया परिवारले इन्दु शंकरसहित आफ्ना विभिन्न उद्योग तथा संस्थामार्फत कुल एक करोड रुपैयाँ प्रधानमन्त्री दैवी प्रकोप उद्धार कोषमा जम्मा गरेको जनाएको छ। केडिया परिवारका अनुसार इन्दु शंकर चिनी उद्योगबाट ३५ लाख रुपैयाँ, सुशील वनस्पति प्रालिबाट ४० लाख रुपैयाँ, डीएभी सुशील केडिया विश्वभारतीबाट २० लाख रुपैयाँ र सीताराम गोकुल मिल्क्स प्रालिबाट ५ लाख रुपैयाँ सहयोग प्रदान गरिएको हो।

उक्त रकमको चेक केडिया परिवारका सदस्यहरूले मंगलबार अर्थमन्त्री डा. स्वर्णिम वाग्लेलाई हस्तान्तरण गरेका हुन्। इन्दु शंकर चिनी उद्योगका सञ्चालक राजेश केडियासहित परिवारका सदस्यहरूको उपस्थितिमा सहयोग रकम हस्तान्तरण गरिएको उद्योगका प्रशासकीय प्रमुख ठाकुर नेपालले जानकारी दिए। भोटेकोशी क्षेत्रमा आएको विनाशकारी बाढीबाट प्रभावित नागरिकको राहत तथा पुनःस्थापनामा सहयोग पुर्‍याउने उद्देश्यले उक्त रकम उपलब्ध गराइएको केडिया परिवारले जनाएको छ।