महानगरको बेरुजु ६८ करोड रुपैयाँ, काठमाडौं टावरबारे महालेखाले फेरि उठायो प्रश्न

प्रेस संवाददाता प्रेस संवाददाता
|
बिहिबार, जेठ १, २०८२
|
|
५४ पटक हेरिएको
Shares
महानगरको बेरुजु ६८ करोड रुपैयाँ, काठमाडौं टावरबारे महालेखाले फेरि उठायो प्रश्न

सारांश

  • महालेखापरीक्षकको कार्यालयले आर्थिक वर्ष २०८१–०८२ को वार्षिक प्रतिवेदनमा महानगरको त्यतिका परिमाणको बेरुजु देखिएको हो ।
  • महालेखापरीक्षकको कार्यालयले २७ अर्ब ५२ करोड ४४ लाख ६ हजार रुपैयाँ रकम बराबरको लेखापरीक्षक गर्दा ६८ करोड २ लाख ३६ हजार रुपैयाँ बराबरको बेरुजु देखिएको हो ।
  • महानगरले संघीय, प्रदेश, राजश्व बाँडफाँट, आन्तरिक आय र अन्य आय कोष समेत गरेर १२ अर्ब ८८ करोड ३१ लाख ५५ हजार रुपैयाँ आय गरेको छ ।

 

१ जेठ, काठमाडौं–

काठमाडौं महानगरपालिकाको बेरुजु ६८ करोडभन्दा बढी देखिएको छ । महालेखापरीक्षकको कार्यालयले आर्थिक वर्ष २०८१–०८२ को वार्षिक प्रतिवेदनमा महानगरको त्यतिका परिमाणको बेरुजु देखिएको हो । महालेखापरीक्षकको कार्यालयले २७ अर्ब ५२ करोड ४४ लाख ६ हजार रुपैयाँ रकम बराबरको लेखापरीक्षक गर्दा ६८ करोड २ लाख ३६ हजार रुपैयाँ बराबरको बेरुजु देखिएको हो ।


महानगरले संघीय, प्रदेश, राजश्व बाँडफाँट, आन्तरिक आय र अन्य आय कोष समेत गरेर १२ अर्ब ८८ करोड ३१ लाख ५५ हजार रुपैयाँ आय गरेको छ । जसमा ६८ करोड बेरुजु देखिएको हो । महालेखाले काठमाडौं टावरको विषयमा पनि प्रश्न उठाएको छ । प्रतिवेदनमा गत वर्षको सुझव यो वर्ष पनि यथावत् राखिएको प्रतिवेदनमा उल्लेख छ । महालेखाले काठमाडौं टावर समयमा नबनेको भन्दै प्रश्न उठाइएको छ ।
टावरको भडा नलाग्दासम्म मासिक ९० हजार ७२० रुपैयाँ महानगलाई बुझाउनु पर्ने थियो । तर त्यो भाडा महानगरमा नआएको भन्दै महालेखाले प्रश्न उठाएको हो । ‘अधिकतम् लाभ प्राप्त हुने गरी उक्त व्यापारिक कम्प्लेक्सको उपयोग गर्नुपर्ने बेहोरा गत वर्षको प्रतिवेदनमा समेत औंल्याइएकोमा त्यो स्थिति यथावत् छ’, महालेखाले प्रतिवेदनमा भनेको छ ।

महालेखाले काठमाडौं महानगरको कार्यलय भएको काठमाडौं प्लाजाबारे समेत प्रश्न गरेको छ । महानगरले भाडा नतिरेकाले त्यो तिर्नुपर्ने महालेखाले भनेको छ । ‘सम्झौतामा भवनको भाडा भुक्तानी गर्दा विगतदेखि मुक्तिनाथ विकास बैंक, एक दोहोरी साँझ र एक रस्ष्टुरेण्टले प्रयोग गरिरहेको क्षेत्रफलको भाडा कट्टी गरी काठमाडौं महानगरपालिकाले नेपाल ट्रष्टलाई बुझाउनुपर्ने छ’, महालेखाले प्रतिवेदनमा भनेको छ, ‘ती तीन व्यावसायिक संस्थामध्ये एक दोहरी साँझ र एक रेस्टुरेन्टले २०८० भाद्रसम्म भवन प्रयोग गरेबापत भुक्तानी गर्नुपर्ने ४ लाख १० हजार भाडा असुली भएको छैन ।’महानगरले फोहोर वर्गीकरण नगरेको विषयमा पनि महालेखाले प्रश्न उठाएको छ ।

काठमाडौं महानगरले सर्वजनिक सवारीको रुट र भाडादर निर्धारण गर्न सक्ने व्यवस्था भएको जनाउँदै त्यसलाई समयसापेक्ष सुधार गर्नुपर्नेमा महालेखाले जोड दिएको छ । महालेखाले काठमाडौं महानगरभित्र पर्ने नदी करिडोरबारे समेत प्रश्न उठाएको छ । करिडोरमा भएको अतिक्रमण हटाएर निर्वाध रुपमा सवारी चल्ने व्यवस्था गर्न महालेखाले भनेको छ । हनुमानढोका दरबार क्षेत्र प्रवेशबापत काठमाडौं महानगरले शुल्क उठाएर दरबार संग्रहालय विकास समितिसँग बाड्ने सम्झौता भएको थियो । महानगरले प्रवेश शुल्क बढाए पनि समितिलाई पुरानै शुल्क अनुसारको रकम बुझाउने गरेकाले आधा रकम दिन महालेखाले भनेको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

दशैंको अवसरमा कांग्रेस सभापति देउवाको शुभकामना : ‘संविधानमै सबै समाधान सम्भव’
दशैंको अवसरमा कांग्रेस सभापति देउवाको शुभकामना : ‘संविधानमै सबै समाधान सम्भव’
मोटरसाइकल ट्रकमा ठो*क्किँदा चालकको मृ*त्यु
मोटरसाइकल ट्रकमा ठो*क्किँदा चालकको मृ*त्यु
बेलायतको संसद्‌मा डा. शेखर कोइरालाले सम्बोधन गर्ने
बेलायतको संसद्‌मा डा. शेखर कोइरालाले सम्बोधन गर्ने
आर्थिक सुधार र सुशासनलाई केन्द्रमा राख्दै नेकपाको संक्षिप्त प्रतिबद्धता पत्र सार्वजनिक
आर्थिक सुधार र सुशासनलाई केन्द्रमा राख्दै नेकपाको संक्षिप्त प्रतिबद्धता पत्र सार्वजनिक
निर्वाचनका लागि सहयोग गर्ने चीनको प्रतिबद्धता
निर्वाचनका लागि सहयोग गर्ने चीनको प्रतिबद्धता
२४ घण्टामा ट्राफिक प्रहरीले गर्यो ६३५ जनालाई कारबाही
२४ घण्टामा ट्राफिक प्रहरीले गर्यो ६३५ जनालाई कारबाही
आपसी सद्भाव र एकतालाई सुदृढ बनाउन सांस्कृतिक पर्वले सहयोग पु¥याउँदछ : राष्ट्रपति
आपसी सद्भाव र एकतालाई सुदृढ बनाउन सांस्कृतिक पर्वले सहयोग पु¥याउँदछ : राष्ट्रपति
सभामुखको क्षमतामाथि कांग्रेसले उठायो प्रश्न : तपाईं सरकारलाई उत्तरदायी बनाउन सक्नुहुन्न ?
सभामुखको क्षमतामाथि कांग्रेसले उठायो प्रश्न : तपाईं सरकारलाई उत्तरदायी बनाउन सक्नुहुन्न ?
धमाधम नियुक्त हुँदै सांसदका स्वकीय, योग्यतामा स्नातक अनिवार्य
धमाधम नियुक्त हुँदै सांसदका स्वकीय, योग्यतामा स्नातक अनिवार्य
अब निजामती कर्मचारी पनि आन्दोलनमा उत्रने
अब निजामती कर्मचारी पनि आन्दोलनमा उत्रने