तोकिएकै मितिमा निर्वाचन गराउनेगरी क्रियाशील छौं : काबा आयुक्त भण्डारी

शुरुमा निर्वाचन व्यवस्थापनको काम आयोगले गरेको उल्लेख गर्दै हाल मतदाता नामावली संकलनको कामलाई आयोगले तिब्रताका साथ अघि बढाएको पनि उनले जानकारी गराए । निर्वाचन सम्पन्न गराउनका लागि आफूहरूले मतदाता शिक्षा कार्यक्रमलाई पनि सचेतनापूर्वक अघि बढाएको प्रमुख निर्वाचन आयुक्त भण्डारीको भनाइ थियो । ‘निर्वाचन व्यवस्थापनको पक्षलाई जब हामीले सम्बोधन गरिसक्याँै । अनि हामीले निर्वाचनको कार्यतालिका बनाएर त्यस अनुसार हामी धमाधम काम गरि राखेका छौं । जस्तो कतिपय बाधा अड्चनहरू थिए । ती अध्यादेशमार्फत फुकाएर भएपनि हामीले मतदाताहरूको मतदाता नामावली संकलन गर्ने लगायतका विषयवस्तुहरू समावेश गरिसकेका छौं,’ उनले भने, ‘त्यो कार्य सुचारु रुपमा अघि बढेका छन् ।

दैनिक रुपमा ठूलो मात्रामा छुट्नुभएका मतदाताहरू अहिले मतदाता नामावलीमा समावेश गर्न आइरहनुभएको छ । यसरी हामीले मतदाता शिक्षाको सन्दर्भमा सचेतनापूर्ण ढंगबाट शुरुदेखि नै कार्यक्रम सञ्चालन गरिराखेका छौं ।’ कार्यबहाक प्रमुख निर्वाचन आयुक्त भण्डारीले सरकारले अध्यादेशमार्फत बाधा अड्काउ फुकाउने काम गरेपछि निर्वाचनको तयारीको कामले तिव्रता पाएको बताए ।