चाडपर्व नजिकिएसँगै बढ्यो स्याउको मूल्य
सारांश
- चाडपर्व नजिकिएसँगै स्थानीय बजारमा स्याउको मूल्य बढेको छ ।
- कालीमाटी फलफूल तथा तरकारी बजार विकास समितिको तथ्यांकले मंगलबार स्याउको मूल्यवृद्धि भएको देखाएको हो ।
- आज मंगलबार फुजी स्याउको मूल्य थोकमा प्रतिकिलो ३४ रुपैयाँ बढेको छ ।
३१ भदौ, काठमाडौं ।
चाडपर्व नजिकिएसँगै स्थानीय बजारमा स्याउको मूल्य बढेको छ । कालीमाटी फलफूल तथा तरकारी बजार विकास समितिको तथ्यांकले मंगलबार स्याउको मूल्यवृद्धि भएको देखाएको हो । आज मंगलबार फुजी स्याउको मूल्य थोकमा प्रतिकिलो ३४ रुपैयाँ बढेको छ । सोमबार फुजी स्याउ प्रतिकिलो थोकमा औसत २७६ रुपैयाँमा किनबेच भएको थियो ।
आज मंगलबार भने फुजी स्याउको प्रतिकिलो मूल्य थोकमा ३१० रुपैयाँ कायम छ । यस्तै एक महिनाको अवधिमा भने फुजी स्याउको भाउ ५.४९ प्रतिशतले घटेको देखिन्छ । भदौ पहिलो साता यो स्याउ प्रतिकिलो ३ सय २८ रुपैयाँमा किनबेच भएको थियो ।साउन अन्तिम साता बजारमा फुजी स्याउ प्रतिकिलो न्यूनतम २८० देखि अधिकतम ३३० रुपैयाँमा किनबेच भएको थियो ।यस्तै एक महिना अवधिमा झोले स्याउको मूल्य पनि ३.५४ प्रतिशत घटेको छ । आज भने झोले स्याउ प्रतिकिलो २ सयदेखि २५० रुपैयाँमा किनबेच भइरहेको छ ।
प्रतिक्रिया