चर्चित लोकगायिका शारदा सिन्हाको निधन
सारांश
- बिहारकी चर्चित लोक गायिका शारदा सिन्हाको निधनले लोकसंगीत क्षेत्र शोकमग्न भएको छ।
- क्यान्सरसँग लडिरहेकी ७२ वर्षीय शारदा सिन्हाले दिल्लीको एम्स अस्पतालमा अन्तिम सास फेरेकी हुन्।
- केही समयदेखि बिरामी रहेकी शारदा सिन्हालाई गम्भीर स्वास्थ्य समस्याका कारण दिल्ली AIIMS भेन्टिलेटरमा राखिएको थियो।
काठमाडौं।
बिहारकी चर्चित लोक गायिका शारदा सिन्हाको निधनले लोकसंगीत क्षेत्र शोकमग्न भएको छ। क्यान्सरसँग लडिरहेकी ७२ वर्षीय शारदा सिन्हाले दिल्लीको एम्स अस्पतालमा अन्तिम सास फेरेकी हुन्। केही समयदेखि बिरामी रहेकी शारदा सिन्हालाई गम्भीर स्वास्थ्य समस्याका कारण दिल्ली AIIMS भेन्टिलेटरमा राखिएको थियो। सेप्टिसिमिया रोगले थप समस्या ल्याएपछि उनको निधन हिजो राति ९ः२० बजे भएको हो।
उनका छोरा अंशुमान सिन्हाले आमाको निधनको जानकारी शारदा सिन्हाको ट्विटर अकाउन्टमार्फत दिएका छन्। भावुक सन्देशमा उनले आमाको फोटो सेयर गर्दै लेखेका छन्, “तपाईंको प्रार्थना र माया सधैं आमासँग रहिरहनेछ। छठीमैयाले आमा बोलाएकी छिन्। आमा शारीरिक रुपमा हामीसँग रहनुहुन्न।”
शारदा सिन्हाको देहान्तले बिहारको सांस्कृतिक र लोकसंगीत क्षेत्रमा ठूलो क्षति पुगेको छ। उनले छठ, होली, विवाह, मैथिली र भोजपुरी संस्कृतिमा आधारित गीत गाएर करोडौंको मन जितेकी थिइन्। उनको स्वर र प्रस्तुतिले लोकगीतलाई जन-जनसम्म पु¥याएको थियो।
प्रतिक्रिया