आउँदो वर्षको एसिया कप टी-२० ढाँचामा, नेपाललाई देख्न नपाइने

प्रेस संवाददाता प्रेस संवाददाता
|
मंगलबार, श्रावण १५, २०८१
|
|
५४ पटक हेरिएको
Shares
आउँदो वर्षको एसिया कप टी-२० ढाँचामा, नेपाललाई देख्न नपाइने

सारांश

  • १७औँ संस्करणको पुरुष एसिया कप क्रिकेट प्रतियोगिता भारतमा आयोजना हुने भएको छ ।
  • एसियन क्रिकेट काउन्सिल (एसिसी) ले आउँदो वर्ष हुने एसिया कप भारतले आयोजना गर्ने जनाएको हो ।
  • उक्त एसिया कप टी–२० ढाँचामा आयोजना हुनेछ ।

 

१५ साउन । १७औँ संस्करणको पुरुष एसिया कप क्रिकेट प्रतियोगिता भारतमा आयोजना हुने भएको छ ।

एसियन क्रिकेट काउन्सिल (एसिसी) ले आउँदो वर्ष हुने एसिया कप भारतले आयोजना गर्ने जनाएको हो । उक्त एसिया कप टी–२० ढाँचामा आयोजना हुनेछ । सन् २०२६ को टी–२० विश्वकपको तयारीस्वरूप २०२५ को एसिया कप टी–२० फर्म्याटमा हुने भएको हो । यसअघि सन् २०१६ मा पनि एसिया कप टी–२० ढाँचामा आयोजना गरिएको थियो । गत संस्करणमा भने एकदिवसीय फर्म्याटमा एसिया कप खेलाइएको थियो । खासमा पाकिस्तानमा प्रतियोगिता हुनुपर्ने भए पनि भारतीय टिम त्यहाँ जान मानेन । त्यसपछि केही महत्वपूर्ण खेल श्रीलंकामा खेलाइयो । गत संस्करणको एसिया कपमा नेपालले पनि प्रतिस्पर्धा गरेको थियो ।

नेपालले समूह चरणअन्तर्गत पाकिस्तानसँग मुल्तानमा तथा भारतसँग श्रीलंकाको पल्लेकेलेमा खेलेको थियो । नेपाल दुवै खेलमा पराजित भयो । पहिलो खेलमा पाकिस्तानको सामना गरेको नेपाल २ सय ३८ रनले पराजित भयो । पाकिस्तानले दिएको ३ सय ४३ रनको लक्ष्य पछ्याएको नेपाल २३.४ ओभरमा १०४ रनमै अलआउट भयो । पाकिस्तानसँग नेपालको सिनियर टिमको यो पहिलो प्रतिस्पर्धा थियो । दोस्रो खेलमा भारतविरुद्ध १० विकेटको हार बेहोरे पनि नेपालले ब्याटिङमा सुधार गर्‍यो ।  उक्त खेलमा पहिला ब्याटिङ गर्दै नेपालले ४८.२ ओभरमा सबै विकेट गुमाएर २ सय ३० रन बनायो । उक्त म्याचमा नेपालका ओपनिङ ब्याटरद्वय आसिफ शेख र कुशल भुर्तेलले आक्रामक सुरुवात गर्दै भारतीय बलरलाई दबाब दिएका थिए । सो खेलमा आसिफले ५८, कुशलले ३८, सोमपाल कामीले ४८, दीपेन्द्र सिंह ऐरीले २९ र गुलशनकुमार झाले २३ रन जोडे ।

भारतको सिनियर टिमविरुद्ध नेपालले कुनै पनि प्रतियोगितामा खेलेको यो पहिलो म्याच थियो । आउँदो संस्करणको एसिया कपमा भने नेपाललाई देख्न पाइने छैन । गत अप्रिलमा भएकोमा एसिसी प्रिमियर कप सेमिफाइनलमा यूएईसँग पराजित भएपछि नेपाल एसिया कपमा छनोट हुन असफल भएको हो । ओमानमा भएको उक्त प्रतियोगितामा नेपाल चौथो स्थानमा खुम्चियो । सन् २०२३ मा भएको प्रिमियर कपको फाइनलमा भने नेपालले यूएईलाई ७ विकेटले हराउँदै एसिया कपको यात्रा गरेको थियो ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

प्रधानमन्त्रीले फिर्ता लिए आफैले गरेको चिकित्सा शिक्षा आयोग निर्णय
प्रधानमन्त्रीले फिर्ता लिए आफैले गरेको चिकित्सा शिक्षा आयोग निर्णय
सुशासन र समतामूलक समाज निर्माणमा तदारूकता आवश्यक छ : राष्ट्रपति पौडेल
सुशासन र समतामूलक समाज निर्माणमा तदारूकता आवश्यक छ : राष्ट्रपति पौडेल
नागढुंगाबाट ब्राउन सुगरसहित एक जना पक्राउ
नागढुंगाबाट ब्राउन सुगरसहित एक जना पक्राउ
बिपी राजमार्गमा रातभरि काम, आजै यातायात सञ्चालनको तयारी
बिपी राजमार्गमा रातभरि काम, आजै यातायात सञ्चालनको तयारी
बालिकालाई वेश्यावृत्तिमा लगाउने काममा संलग्न एकजना पक्राउ
बालिकालाई वेश्यावृत्तिमा लगाउने काममा संलग्न एकजना पक्राउ
नेपाली कांग्रेसको संसदीय दलको नेता चयन प्रक्रिया स्थगित
नेपाली कांग्रेसको संसदीय दलको नेता चयन प्रक्रिया स्थगित
सेनिटरी प्याडमा लुकाएर आधा किलो सुन तस्करी, लुट्ने ३ जना पक्राउ
सेनिटरी प्याडमा लुकाएर आधा किलो सुन तस्करी, लुट्ने ३ जना पक्राउ
रातो मसी छ्याप्ने गतिविधि लोकतन्त्रको उपहास हो : महेश बस्नेत
रातो मसी छ्याप्ने गतिविधि लोकतन्त्रको उपहास हो : महेश बस्नेत
न्यूरोडस्थित तस्करीको सुन गाल्ने कारखानामा प्रहरीको छापा, सञ्चालक पक्राउ
न्यूरोडस्थित तस्करीको सुन गाल्ने कारखानामा प्रहरीको छापा, सञ्चालक पक्राउ
बाराबाट ११ किलो चरेससहित एक जना पक्राउ
बाराबाट ११ किलो चरेससहित एक जना पक्राउ