जिल्ला परियोजना सल्लाहकार समितिको बैठक सम्पन्न
सारांश
- प्लान इन्टरनेशनल नेपालको आयोजना तथा ग्रामिण विकास केन्द्र नेपाल (RDC) र राष्ट्रिय रोजगार प्रवद्र्धन केन्द्र (RRPK) को समन्वयमा सर्लाहीको सदरमुकाम मलंगवास्थित होटल कुसुम प्यालेसमा दुई दिने जिल्ला परियोजना सल्लाहकार समितिको बैठक सम्पन्न भएको छ ।
- प्लान इन्टरनेशनल नेपालको साझेदारीमा जिल्लामा ग्रामिण विकास केन्द्र नेपालले चक्रघट्टा गाउँपालिकामा तथा राष्ट्रिय रोजगार प्रवद्र्धन केन्द्रले कौडेना, चक्रघट्टा, धनकौल र बसबरिया गाउँपालिकासँग सहकार्य गर्दै विभिन्न परियोजना सञ्चालन गरिरहेका छन् ।
- परियोजनामार्फत बालबालिका, किशोरी तथा युवा महिलालाई सशक्त बनाउने, आत्मसम्मानका साथ अधिकार र स्वतन्त्रताको उपभोग गर्न सक्षम बनाउने उद्देश्य रहेको जनाइएको छ ।
मलंगवा, २९ वैशाख । प्लान इन्टरनेशनल नेपालको आयोजना तथा ग्रामिण विकास केन्द्र नेपाल (RDC) र राष्ट्रिय रोजगार प्रवद्र्धन केन्द्र (RRPK) को समन्वयमा सर्लाहीको सदरमुकाम मलंगवास्थित होटल कुसुम प्यालेसमा दुई दिने जिल्ला परियोजना सल्लाहकार समितिको बैठक सम्पन्न भएको छ ।
प्लान इन्टरनेशनल नेपालको साझेदारीमा जिल्लामा ग्रामिण विकास केन्द्र नेपालले चक्रघट्टा गाउँपालिकामा तथा राष्ट्रिय रोजगार प्रवद्र्धन केन्द्रले कौडेना, चक्रघट्टा, धनकौल र बसबरिया गाउँपालिकासँग सहकार्य गर्दै विभिन्न परियोजना सञ्चालन गरिरहेका छन् । परियोजनामार्फत बालबालिका, किशोरी तथा युवा महिलालाई सशक्त बनाउने, आत्मसम्मानका साथ अधिकार र स्वतन्त्रताको उपभोग गर्न सक्षम बनाउने उद्देश्य रहेको जनाइएको छ ।
कार्यक्रमको पहिलो दिन आइतबार कौडेना गाउँपालिकास्थित श्री देवधारी माध्यमिक विद्यालय, सुखचैनामा परिवर्तनका संवाहक कक्षाका सहभागीहरूसँग अन्तरक्रिया गरिएको थियो । त्यसपछि चक्रघट्टा गाउँपालिका–८ स्थित श्री जनता माध्यमिक विद्यालय, औरहीमा महिनावारी आरामकक्ष तथा ‘ड्रट रेस्पोन्स’ कार्यक्रमको अवलोकन गरिएको थियो । त्यसैगरी सोही वडामा आमा समूहसँग अन्तरक्रिया, स्वस्थ तथा पौष्टिक खाना पकाउने अभ्यास तथा मदरसा इस्लामिया हेदायातुल मुस्लेमिनमा निर्माणाधीन समावेशी एवं पहुँचयोग्य शौचालयको अनुगमन गरिएको आयोजकले जनाएको छ ।
सोमबार सम्पन्न दोस्रो दिनको कार्यक्रममा ‘सबल बालिका, सबल समाज’ अन्तर्गत सञ्चालित ‘आभा : किशोरीहरूको अधिकार र उत्थानशीलताका लागि’, बाल प्रत्याभूत सञ्चार कार्यक्रम तथा ‘सबल बालिका, सबल समाज (SaBaSS)’ परियोजनाको प्रगति विवरण र उपलब्धिबारे प्लान इन्टरनेशनल नेपालका काजल झा र रामनारायण साहले प्रस्तुति दिएका थिए ।
परियोजनाअन्तर्गत हालसम्म ४० विद्यालय, ४ स्थानीय बाल अधिकार समिति, ४ परिवर्तन संवाहक केन्द्र, १५ किशोरी क्लब, २९ वडा बाल अधिकार समिति, १६ अभिभावक शिक्षा समूह, १५ युवा क्लब तथा ५ महिनावारी स्वास्थ्य र स्वच्छता क्लब सञ्चालनमा रहेका छन् ।
कार्यक्रममा जिल्ला समन्वय समितिका सभापति कौशल किशोर सिंह प्रमुख अतिथिका रूपमा सहभागी थिए । त्यसैगरी जिल्ला समन्वय समितिका उपसभापति जितेन्द्र कुमार महतो, प्लान इन्टरनेशनल नेपालका प्रतिनिधि रवि शंकर पण्डित, विभिन्न गाउँपालिकाका अध्यक्ष, प्रमुख प्रशासकीय अधिकृत, शाखा अधिकृत, सामाजिक अगुवा तथा सञ्चारकर्मीहरूको उपस्थिति रहेको थियो ।
प्रतिक्रिया