जडीबुटीबाट एक वर्षमा जाजरकोटवासीले कमाए २९ करोड रुपैयाँ

प्रेस संवाददाता प्रेस संवाददाता
|
बिहिबार, आश्विन १५, २०८३
|
|
३८८ पटक हेरिएको
Shares
जडीबुटीबाट एक वर्षमा जाजरकोटवासीले कमाए २९ करोड रुपैयाँ

सारांश

  • जाजरकोटवासीले गत आर्थिक वर्षमा जडीबुटी संकलनबाट २९ करोड रुपैयाँभन्दा बढी आम्दानी गरेका छन् ।
  • आर्थिक वर्ष २०८२/८३ मा जडीबुटी संकलन तथा निकासीबाट स्थानीय समुदायले २९ करोडभन्दा बढी आम्दानी गरेका हुन् ।
  • गत वर्ष जिल्लाबाट ३७ प्रजातिका जडीबुटी निकासी भएका थिए ।

१५ असोज, सुर्खेत । जाजरकोटवासीले गत आर्थिक वर्षमा जडीबुटी संकलनबाट २९ करोड रुपैयाँभन्दा बढी आम्दानी गरेका छन् ।

आर्थिक वर्ष २०८२/८३ मा जडीबुटी संकलन तथा निकासीबाट स्थानीय समुदायले २९ करोडभन्दा बढी आम्दानी गरेका हुन् ।

गत वर्ष जिल्लाबाट ३७ प्रजातिका जडीबुटी निकासी भएका थिए । जसले ग्रामीण क्षेत्रका बासिन्दाका लागि आम्दानी र जीविकोपार्जनको बाटो खोलेको छ ।

डिभिजन वन अधिकृत दीपेश केसीका अनुसार जिल्लाबाट टिमुर, रिठ्ठा, पदमचाल, पाषाणवेद, रातो च्याउ, झ्याउ, विषफेज, धुपीको पातलगायत ३७ प्रजातिका जडीबुटी निकासी भएका छन् ।

टिमुर मात्रै एक लाख ९८ हजार ७५९ किलो निकासी भएको छ । यसमध्ये निजी आवादीबाट एक लाख तीन हजार ५५५ किलो, सामुदायिक वनबाट ५३ हजार १७ किलो र सरकारद्वारा व्यवस्थित वन क्षेत्रबाट ४२ हजार ६८७ किलो निकासी भएको कार्यालयले जनाएको छ ।

संकलन भएको स्थानमा टिमुरको मूल्य प्रतिकिलो ५५० देखि ६५० रुपैयाँसम्म पर्ने गरेको छ । औसत प्रतिकिलो ६०० रुपैयाँका दरले हिसाब गर्दा टिमुरबाट मात्रै स्थानीयले करिब १२ करोड रुपैयाँभन्दा बढी आम्दानी गरेका छन् ।

यस्तै, झ्याउ संकलनबाट पनि ३ करोड रुपैयाँभन्दा बढी आम्दानी भएको कार्यालयले जनाएको छ ।

६० प्रतिशत भू–भाग वन

जाजरकोटको कुल भू–भागको ६०.१८ प्रतिशत वन क्षेत्रले ढाकेको छ । वन, वन्यजन्तु, जडीबुटी र जैविक विविधतामा धनी जिल्लामा जडीबुटी संकलन ग्रामीण अर्थतन्त्रको महत्वपूर्ण आधार बन्दै गएको डिभिजन वन कार्यालयको निष्कर्ष छ ।

‘जडीबुटी र यसको संकलनले स्थानीय समुदायलाई आम्दानी, रोजगारी, जीविकोपार्जन र सामुदायिक विकासमा टेवा पुर्‍याएको छ,’ डिभिजन वन अधिकृत केसीले बताए ।

गत आर्थिक वर्षमा जिल्लाबाट जडीबुटी मात्रै नभई वन पैदावारबाट समेत सरकार र समुदायले आम्दानी गरेका छन् ।

डिभिजन वन कार्यालयका अनुसार उक्त अवधिमा एक करोड तीन लाख ५८ हजार ३५४ रुपैयाँ राजस्व, ६८ लाख १६ हजार १६५ रुपैयाँ मूल्य अभिवृद्धि कर तथा सामुदायिक वनबाट २ करोड ६५ लाख ७० हजार ९३४ रुपैयाँ आम्दानी भएको छ ।

अतिक्रमण र वन्यजन्तु द्वन्द्व चुनौती

जडीबुटीबाट ठूलो आम्दानी भइरहेपनि वन डढेलो, अतिक्रमण, मानव–वन्यजन्तु द्वन्द्व तथा अवैध वन पैदावार चोरी–निकासी वन संरक्षणका प्रमुख चुनौतीका रूपमा देखिएका छन् ।

कार्यालयका अनुसार जिल्लामा हालसम्म एक हजार २२५ दशमलव ४५ हेक्टर वन क्षेत्र अतिक्रमणमा परेको छ ।

आर्थिक वर्ष २०८२/८३ मा ३८ वटा सामुदायिक वनमा ५५ पटक वन डढेलो लागेको थियो ।

सुरक्षा निकाय, वन उपभोक्ता, स्थानीय तह र समुदायको सहभागितामा डढेलो नियन्त्रण गरिएको कार्यालयले जनाएको छ ।

बाँदर, भालु, जंगली बँदेल र चितुवाबाट बालीनाली, पशुधन तथा मानवीय क्षति हुने गरेको छ । गत आर्थिक वर्षमा वन्यजन्तुबाट पीडितलाई ३ लाख ६० हजार रुपैयाँ राहत वितरण गरिएको छ ।

जडीबुटीको उत्पादन विस्तारका लागि निजी आवादी, सामुदायिक वन, कबुलियती वन तथा सार्वजनिक जग्गाको करिब ४० हेक्टर क्षेत्रमा टिमुर, रिठ्ठा, सिसौ, खयर, बोधिचित्त, तेजपात, ओखर, चिउरी र बोझोलगायत करिब ५५ हजार बिरुवा रोपिएको छ ।

डिभिजन वन कार्यालय परिसरमा रहेको बहुवर्षीय नर्सरीमा करिब ५० हजार एकवर्षीय तथा बहुवर्षीय बिरुवा उत्पादन गरिएको र करिब ११ हजार बिरुवा वितरण गरिएको कार्यालयले जनाएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

अनेरास्ववियुद्वारा कञ्चनपुरबाट बालेन र सुधनविरुद्ध जाहेरी
अनेरास्ववियुद्वारा कञ्चनपुरबाट बालेन र सुधनविरुद्ध जाहेरी
भाँडी खोलामा पहिरो खसेपछि मेची राजमार्ग अवरुद्ध
भाँडी खोलामा पहिरो खसेपछि मेची राजमार्ग अवरुद्ध
एडीबीबाट प्राप्त १४ अर्ब ३८ करोड ऋण स्वीकृत, यस्ता छन् मन्त्रिपरिषद्का निर्णय
एडीबीबाट प्राप्त १४ अर्ब ३८ करोड ऋण स्वीकृत, यस्ता छन् मन्त्रिपरिषद्का निर्णय
भ्रष्टाचार आरोपमा बंगलादेशी क्रिकेटर सोहेली अख्तरलाई पाँच वर्ष प्रतिबन्ध
भ्रष्टाचार आरोपमा बंगलादेशी क्रिकेटर सोहेली अख्तरलाई पाँच वर्ष प्रतिबन्ध
काठमाडौंमा २४ सै घण्टा नि:शुल्क एम्बुलेन्स सेवा दिने बालेनको घोषणा। 
काठमाडौंमा २४ सै घण्टा नि:शुल्क एम्बुलेन्स सेवा दिने बालेनको घोषणा। 
राष्ट्रपतिद्वारा इद उल फित्र पर्वको शुभकामना
राष्ट्रपतिद्वारा इद उल फित्र पर्वको शुभकामना
श्रीलंकामा १३ वर्षपछि अस्ट्रेलियाले जित्यो टेस्ट सिरिज
श्रीलंकामा १३ वर्षपछि अस्ट्रेलियाले जित्यो टेस्ट सिरिज
निर्माण व्यवसायीसँग संवाद गर्दै प्रधानमन्त्री
निर्माण व्यवसायीसँग संवाद गर्दै प्रधानमन्त्री
रोमानिया पठाउने भनेर ठगी गरेको आरोपमा एक जना पक्राउ
रोमानिया पठाउने भनेर ठगी गरेको आरोपमा एक जना पक्राउ
मकवानपुरमा प्रहरीमाथि आक्रमण, प्रतिकारमा गोली चल्दा एक घाइते
मकवानपुरमा प्रहरीमाथि आक्रमण, प्रतिकारमा गोली चल्दा एक घाइते