अनेरास्ववियुद्वारा कञ्चनपुरबाट बालेन र सुधनविरुद्ध जाहेरी
सारांश
- नेकपा एमालेनिकट अनेरास्ववियुले कञ्चनपुरबाटै काठमाडौं महानगरका प्रमुख बालेन्द्र शाह (बालेन) र हामी नेपाल (एनजिओ)का संयोजक सुदन गुरुङविरुद्ध जाहेरी दिएको छ।
- गत २४ भदौ जेन–जी आन्दोलनमा घुसपैठ गराएर विद्यार्थीको हत्यादेखि निजी सार्वजनिक सम्पत्ति लुटपाट, तोडफोड एवं आगजनी गरेको भन्दै प्रहरीमा उजुरी दिएको हो ।
- अनेरास्ववियु कञ्चनपुरका संयोजक विक्रम थापाले संगठनको केन्द्रीय कार्यक्रमअनुरूप जिल्लाबाटै उजुरी दिएको बताए ।
२२ असोज, काठमाडौं ।
नेकपा एमालेनिकट अनेरास्ववियुले कञ्चनपुरबाटै काठमाडौं महानगरका प्रमुख बालेन्द्र शाह (बालेन) र हामी नेपाल (एनजिओ)का संयोजक सुदन गुरुङविरुद्ध जाहेरी दिएको छ। गत २४ भदौ जेन–जी आन्दोलनमा घुसपैठ गराएर विद्यार्थीको हत्यादेखि निजी सार्वजनिक सम्पत्ति लुटपाट, तोडफोड एवं आगजनी गरेको भन्दै प्रहरीमा उजुरी दिएको हो ।
अनेरास्ववियु कञ्चनपुरका संयोजक विक्रम थापाले संगठनको केन्द्रीय कार्यक्रमअनुरूप जिल्लाबाटै उजुरी दिएको बताए । संयोजक थापाले काठमाडौं महानगरपालिका प्रमुख बालेन र एनजिओकर्मी सुदन नै मुख्य योजनाकार भएकाले कानुनअनुरूप कारबाही गर्नुपर्ने बताए । बालेन र सुदनविरुद्ध मुलुकी फौजदारी संहिता, २०७४ को दफा १७७ दफा, १७८ दफा, २४४ दफा २८५ (२)को उपदफा (क) बमोजिम जाहेरी दिएको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया