परिवर्तनको सन्देश दिदै सर्लाहीमा‘दिप प्रज्वलन कार्यक्रम’
सारांश
- न्याय, जिम्मेवारी र परिवर्तनको पक्षमा जनचेतना फैलाउने उद्देश्यसहित सर्लाहीमा‘दिप प्रज्वलन कार्यक्रम’ सम्पन्न गरिएको छ ।
- कार्यक्रममा सहभागीहरूले उज्यालोको प्रतीक दीप प्रज्वलन गर्दै सकारात्मक परिवर्तनका लागि एकजुट हुने प्रतिबद्धता जनाएका थिए ।
- कार्यक्रममा सम्माननीय प्रधानमन्त्री बालेन्द्र शाह तथा गृहमन्त्री सुदन गुरुङप्रति धन्यवाद व्यक्त गरिएको थियो ।
१७ चैत, सर्लाही ।
न्याय, जिम्मेवारी र परिवर्तनको पक्षमा जनचेतना फैलाउने उद्देश्यसहित सर्लाहीमा‘दिप प्रज्वलन कार्यक्रम’ सम्पन्न गरिएको छ । कार्यक्रममा सहभागीहरूले उज्यालोको प्रतीक दीप प्रज्वलन गर्दै सकारात्मक परिवर्तनका लागि एकजुट हुने प्रतिबद्धता जनाएका थिए ।
कार्यक्रममा सम्माननीय प्रधानमन्त्री बालेन्द्र शाह तथा गृहमन्त्री सुदन गुरुङप्रति धन्यवाद व्यक्त गरिएको थियो । साथै, न्याय सुनिश्चित गर्नुपर्ने आवश्यकता औंल्याउँदै जिम्मेवार र उत्तरदायी शासनको मागसमेत गरिएको सहभागीहरूले बताएका छन् । युवा नेता नितेश राउतको नेतृत्व तथा जेनरेशन जेड (Gen-Z) युवाहरूको सक्रिय सहभागितामा आयोजित उक्त कार्यक्रममा युवाहरूले आफ्नो आवाज बुलन्द गर्दै परिवर्तनका लागि अग्रसर हुने सन्देश दिएका थिए । “हामी मौन बस्न आएका होइनौं, राम्रो प्रणालीको माग गर्न आएका हौं, हामी नै परिवर्तन हौं,” भन्ने नारासहित कार्यक्रम अघि बढाइएको थियो ।
कार्यक्रममा अध्यक्षता रोशन यादव लगायत सम्पूर्ण Gen-Z युवाहरूले गरेका थिए । सहभागीहरूले एकजुट भएर अन्धकार हटाई उज्यालो भविष्य निर्माण गर्ने प्रतिबद्धता व्यक्त गरेका छन् । उक्त कार्यक्रमले समाजमा सकारात्मक सोच, जिम्मेवारी र सक्रिय नागरिक सहभागिताको आवश्यकता पुनः स्मरण गराएको आयोजकहरूको भनाइ छ ।
प्रतिक्रिया