भाटभटेनी लुटपाटमा कांग्रेस नेताका छोरा पक्राउ परेको राप्रपा अध्यक्ष लिङ्देनको दाबी
सारांश
- प्रतिनिधिसभाको शुक्रबारको बैठकलाई सम्बोधन गर्दै उनले राजावादीले तीनकुनेमा आयोजना गरेको प्रदर्शनका क्रममा कोटेश्वरस्थित भाटभटेनीमा भएको लुटपाटमा कांग्रेस सहमहामन्त्रीका छोरा पक्राउ परेको दाबी गरेका हुन् ।
- अध्यक्ष लिङ्देनले कांग्रेसका सहमहामन्त्रीको नाम भने लिएनन् ।
- तर, उनले ती सहमहामन्त्रीका छोरालाई गृहमन्त्री रमेश लेखकले तुरुन्तै छाडेको पनि आरोप लगाए ।
१२ वैशाख, काठमाडौं–
राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले गत चैत १५ मा भएको भाटभटेनी लुटपाट काण्डमा सत्तारुढ नेपाली कांग्रेसका एक जना सह–महामन्त्रीका छोरा पक्राउ परेको दाबी गरेका छन् । प्रतिनिधिसभाको शुक्रबारको बैठकलाई सम्बोधन गर्दै उनले राजावादीले तीनकुनेमा आयोजना गरेको प्रदर्शनका क्रममा कोटेश्वरस्थित भाटभटेनीमा भएको लुटपाटमा कांग्रेस सहमहामन्त्रीका छोरा पक्राउ परेको दाबी गरेका हुन् ।
अध्यक्ष लिङ्देनले कांग्रेसका सहमहामन्त्रीको नाम भने लिएनन् । तर, उनले ती सहमहामन्त्रीका छोरालाई गृहमन्त्री रमेश लेखकले तुरुन्तै छाडेको पनि आरोप लगाए । हामीसँग त रेकर्ड छ गृहमन्त्रीज्यू, भाटभटेनीको लुटपाटमा सत्तारुढ पार्टीको, तपाईंकै पार्टीको सहमहामन्त्रीको छोरा पक्राउ परेको छ । किन छोड्नुभो तुरुन्तै ?,’ लिङदेनले प्रश्न गर्दै भने, ‘तपाईंको नेताको छोराले रक्सी लिएर गयो, उसले ल्याएको मान्छेले म रक्सी खान्नँ, मलाई कपडा काम लाग्छ भनेर कपडा लिएर गयो ।’
प्रतिक्रिया