औषधिमा कर बढाउने अमेरिकाको घोषणा, भारतीय उद्योग प्रभावित

२७ चैत, अमेरिका-

अमेरिकी राष्ट्रपति डोनाल्ड ट्रम्पले नेशनल रिपब्लिकन कंग्रेसनल कमिटीको कार्यक्रममा औषधि आयातमा ‘महत्वपूर्ण’ शुल्कहरू लगाउने बताएका छने। ट्रम्पका अनुसार, यी शुल्कहरूले औषधि कम्पनीहरूलाई आफ्नो उत्पादनहरू अमेरिका भित्र सार्न प्रेरित गर्नेछन्।युरोपेली औषधि कम्पनीहरू, जो शुल्कको प्रभावबाट डराइरहेका छन्, मङ्गलबारको बैठकमा युरोपेली आयोगलाई सचेत गराएका थिए

कि ट्रम्पका शुल्कहरूले उद्योगलाई युरोपबाट बाहिर निकालेर अमेरिकी तर्फ सर्ने प्रक्रियालाई तीव्र पार्नेछन्।युरोपेली औषधि व्यापार समूह (इ.याफ.पि.आइ.ए), जसका सदस्यमा युरोपेली ठूलो औषधि कम्पनीहरू जस्तै बेयर, नोवारटीस, नोवो नोरडिस्क छन्, युरोपीयन संघका अध्यक्ष उर्सुला भोन डेर लेयन सँग ‘तत्काल र कडा कदम’ चाल्न आग्रह गरेको छ, जसले ‘अमेरिकातर्फको पलायनको जोखिम’ कम गर्न सकून्।इ.याफ.पि.आइ.एले युरोपीयन संघले औषधि उद्योगको लागि आफ्नो नियामक प्रणालीलाई परिवर्तन गर्न आवश्यक रहेको बताएको छ। भनेको छ,  ‘नवीनताका लागि थप अनुकूल बनाओस् र युरोपको बौद्धिक सम्पत्ति संरक्षणलाई बलियो बनाओस्। यी माग नयाँ थिएनन्।

इ.याफ.पि.आइ.एले बारम्बार चेतावनी दिएको छ कि यदि युरोपीयन संघले औषधि क्षेत्रको नियम कानूनी सुधारको प्रस्तावलाई परिवर्तन नगरे भने युरोपको औषधि क्षेत्र अमेरिकी, चिनियाँ र उदाउँदो बजारहरूको बढ्दो प्रतिस्पर्धाबाट हारेको हुनेछ। इ.याफ.पि.आइ.एको भनाइ अनुसार, ‘अब शुल्कको धम्कीले सिर्जना गरेको अनिश्चिततासँगै, युरोपमा लगानी गर्नको लागि प्रोत्साहन कम छ र अमेरिकातर्फ सर्नका लागि महत्वपूर्ण प्रेरक तत्वहरू छन्।‘ औषधि आयातमा ‘महत्वपूर्ण’ शुल्कहरू बढ्दा विशेष गरी भारतीय औषधि उद्योगका लागि महत्त्वपूर्ण छ, किनभने अमेरिका भारतको औषधि बजारको सबैभन्दा ठूलो निर्यात बजार हो। भारतको औषधि निर्यात प्रवर्धन परिषदको अनुसार,२४ औं आर्थिक वर्षमा, भारतको २७.९ डलर बिलियनको औषधि निर्यातमा ३१ प्रतिशत अर्थात ८.७ डलर बिलियन अमेरिकी बजारमा निर्यात भएको थियो।

रिपोर्टहरू अनुसार, भारतले अमेरिकामा प्रयोग हुने ४५ प्रतिशत जेनरिक औषधि र १५ प्रतिशत बायोसिमिलर औषधिहरू आपूर्ति गर्छ। डा. रेड्डी’स, औरोबिन्दो फार्मा, जाइदस लाइफसाइन्स, सन फार्मा र ग्लैंड फार्मा जस्ता कम्पनीहरूले अमेरिकी बजारबाट आफ्ना कुल आम्दानीको ३०-५० प्रतिशत कमाउँछन्। यी प्रस्तावित शुल्कहरूले भारतीय औषधि कम्पनीहरूको निर्यातमा नकारात्मक असर पार्न सक्छ। यस परिप्रेक्ष्यमा, नेपाली औषधि बजारमा पनि अप्रत्यक्ष असर पर्न सक्ने सम्भावना छ, किनभने अन्तर्राष्ट्रिय बजारमा हुने परिवर्तनहरूले नेपाली बजारमा औषधिको उपलब्धता र मूल्यमा प्रभाव पार्न सक्छ।  यो खबरसँगै भारतीय औषधि उद्योगमा प्रभाव देखिएको छ। सेयर मूल्य घट्न थालेको छ।