नागार्जुनमा पहिरोले घर भत्काउँदा एक जनाको मृत्यु, दुई जना घाइते
सारांश
- अन्य दुई जना घाइते भएका छन् ।
- घर भत्किँदा भित्र रहेका ८ मध्ये ७ जनाको उद्धार गरिएको नागार्जन नगरपालिकाका मेयर मोहनबहादुर बस्नेतले जानकारी दिए ।
- उद्धार गरिएकामध्ये पाँच जना सकुशल छन् भने दुई जनालाई उपचारका लागि मनमोहन अस्पताल पुर्याइएको छ ।
१२ असोज, काठमाडौँ — काठमाडौँको नागार्जुन नगरपालिका-३, इचंगुनारायण मन्दिर नजिकै घर भत्किँदा ५५ वर्षीय एक पुरुषको मृत्यु भएको छ ।
अन्य दुई जना घाइते भएका छन् । घर भत्किँदा भित्र रहेका ८ मध्ये ७ जनाको उद्धार गरिएको नागार्जन नगरपालिकाका मेयर मोहनबहादुर बस्नेतले जानकारी दिए । उद्धार गरिएकामध्ये पाँच जना सकुशल छन् भने दुई जनालाई उपचारका लागि मनमोहन अस्पताल पुर्याइएको छ ।
नगरपालिकाका वडा नं ३, ६, ७ र १० मा वर्षापछिको बाढी र पहिरोले जनजीवन अस्तव्यस्त बनाएको मेयर बस्नेतले जानकारी दिए । ‘प्रहरी र सशस्त्र प्रहरीसहित हामी जनप्रतिनिधिहरू उद्धारका लागि खटिएका छौँ । जताजतै बाटो अवरुद्ध बनेको छ, सहज बनाउने प्रयास गरिरहेका छौँ,’ उनले भने ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया