चन्द्रागिरिमा वृद्धा ह*त्या प्रकरण : कारण बन्यो जग्गा विवाद, छोरापछि आमा पनि पक्राउ
सारांश
- चन्द्रागिरि नगरपालिका–६ चेकपोष्ट महादेवस्थान घर भएकी ६८ वर्षीया पवित्रा केसी हत्याको कारण जग्गासँग जोडिएको खुलेको छ ।
- पक्राउ परेका अभियुक्तलाई सोधपुछ गर्दा जग्गाको सिमाना विवादमा हत्या भएको खुलेको हो ।
- घटनाको अनुसन्धान गरिरहेकी प्रहरी वृत्त थानकोटकी डीएसपी एलिजा गिरीका अनुसार जग्गाको सीमाना विवादमा हत्या भएको बताइन् ।
९ असोज, काठमाडौं ।
चन्द्रागिरि नगरपालिका–६ चेकपोष्ट महादेवस्थान घर भएकी ६८ वर्षीया पवित्रा केसी हत्याको कारण जग्गासँग जोडिएको खुलेको छ । पक्राउ परेका अभियुक्तलाई सोधपुछ गर्दा जग्गाको सिमाना विवादमा हत्या भएको खुलेको हो । घटनाको अनुसन्धान गरिरहेकी प्रहरी वृत्त थानकोटकी डीएसपी एलिजा गिरीका अनुसार जग्गाको सीमाना विवादमा हत्या भएको बताइन् । ‘उहाँहरू जग्गाको संधियारी हुनुहुँदो रहेछ । जग्गाको साँध–सीमा विवाद भएपछि भएको अहिलेसम्मको अनुसन्धानले देखाएको छ,’ डीएसपी गिरीले भनिन् ।
६८ वर्षीया केसी हत्यामा प्रहरीले सुरुमा चन्द्रागिरिको थापागाउँका ३२ वर्षीय सरोज थापालाई पक्राउ गरेको थियो । अहिले उनकी आमा गंगा थापालाई पनि प्रहरीले पक्राउ गरेको छ । दुई जनालाई नियन्त्रणमा लिएर प्रहरीले अनुसन्धान अघि बढाएको छ । बुधबार चन्द्रागिरि नगरपालिका–६ चेकपोस्ट महादेवस्थान घर भई खहरे थापागाउँ माइतीघरमा बसेकी ६८ वर्षीया केसीको हत्या भएको थियो । दाउराको चिर्पटले टाउकामा हानेर हत्या गरिएको प्रहरीले बताएको छ । मृत महिलाको शव पोस्टमार्टमका लागि त्रिवि शिक्षण अस्पतालमा पठाइएको छ ।
प्रतिक्रिया