अमेरिका र इजरायलद्वारा इरानविरुद्ध सैन्य हमला जारी, प्रतिकारमा इरान
सारांश
- संयुक्त राज्य अमेरिका र इजरायलले सोमबार इरान विरुद्ध आफ्नो सैन्य हमला जारी राखेका छन् ।
- इरानले भने ‘अपरेशन ट्रु प्रमिस ४’ अन्तर्गत अमेरिकी र इजरायलीविरुद्ध आक्रमणहरू सुरु गरेको छ ।
- अमेरिकी केन्द्रीयकमान्डले सोमबार इरानको ड्रोन पूर्वाधारलाई लक्षित गरी गरिएको सटीक हमलाहरू देखाउने नयाँ फुटेज जारी गरेको थियो ।
१० चैत, काठमाडौं ।
संयुक्त राज्य अमेरिका र इजरायलले सोमबार इरान विरुद्ध आफ्नो सैन्य हमला जारी राखेका छन् । इरानले भने ‘अपरेशन ट्रु प्रमिस ४’ अन्तर्गत अमेरिकी र इजरायलीविरुद्ध आक्रमणहरू सुरु गरेको छ । अमेरिकी केन्द्रीयकमान्डले सोमबार इरानको ड्रोन पूर्वाधारलाई लक्षित गरी गरिएको सटीक हमलाहरू देखाउने नयाँ फुटेज जारी गरेको थियो । जसमा प्रक्षेपण स्थलहरू र मानवरहित हवाई अपरेशनसँग सम्बन्धित प्रमुख सुविधाहरू समावेश छन् ।
सोमबार द टाइम्स अफ इजरायलको रिपोर्ट अनुसार, इजरायल रक्षा बलले एक विज्ञप्तिमा इरानी राजधानी तेहरानमा पूर्वाधार विरुद्ध आक्रमण गरेको र इस्लामिक रिभोलुसनरी गार्ड कोप्र्सलाई लक्षित गरेको बताएको छ । यता, इरानको आईआरजीसीले सोमबार एक विज्ञप्तिमा अपरेशन ट्रु प्रमिस ४ को ७५ औं, ७६ औं र ७७ औं लहरहरू सञ्चालन गरेको छ । आक्रमणको ७६ औं लहरको क्रममा, आईआरजीसीले अमेरिकी सैन्य अड्डाहरूमा ड्रोन र मिसाइलहरू, साथै तेल अभिभ र इजरायलका अन्य क्षेत्रहरूमा सैन्य पूर्वाधारहरू प्रहार गरेको जनाएको छ ।
यसैबीच, इरानी ऊर्जामन्त्री अब्बास अलीआबादीले सोमबार देशभरका पावर प्लान्टहरू पूर्ण क्षमतामा सञ्चालन गर्न तयार रहेको बताएका छन् । अमेरिकी राष्ट्रपति डोनाल्ड ट्रम्पले इरानको पावर पूर्वाधारलाई लक्षित गर्ने धम्कीको प्रतिक्रियामा आएको हो। फेब्रुअरी २८ देखि इरानमा अमेरिकी–इजरायली संयुक्त आक्रमणहरू पछि बढेको तनावको बीचमा यो घटनाक्रम आएको हो ।
प्रतिक्रिया