मधेशका मुख्यमन्त्रीले प्रदेशसभामा राजीनामा घोषणा गर्ने
सारांश
- मधेश प्रदेशका मुख्यमन्त्री सरोजकुमार यादवले प्रदेशसभामा सम्बोधन गरी राजीनामा दिने भएका छन् ।
- कांग्रेसलाई तत्काल सभामुख र जनमत पार्टीलाई राष्ट्रियसभामा दुई सीट दिएर पनि नेकपा एमाले आफ्नो नेतृत्वको मधेश सरकार बचाउने दाउमा थियो ।
- स्राेतका अनुसार मुख्यमन्त्री यादवले ६ महिनापछि नै सरकारको नेतृत्व कांग्रेसलाई दिने प्रस्ताव गरेका थिए ।
१७ मंसिर, काठमाडौं ।
मधेश प्रदेशका मुख्यमन्त्री सरोजकुमार यादवले प्रदेशसभामा सम्बोधन गरी राजीनामा दिने भएका छन् । कांग्रेसलाई तत्काल सभामुख र जनमत पार्टीलाई राष्ट्रियसभामा दुई सीट दिएर पनि नेकपा एमाले आफ्नो नेतृत्वको मधेश सरकार बचाउने दाउमा थियो ।
स्राेतका अनुसार मुख्यमन्त्री यादवले ६ महिनापछि नै सरकारको नेतृत्व कांग्रेसलाई दिने प्रस्ताव गरेका थिए । मुख्यमन्त्री यादवको सो प्रस्तावमा संस्थापन पक्षका केही सांसद तयार भए पनि कांग्रेसको शेखर कोइराला गुटका सांसदहरू मान्न तयार भएनन् । एमालेको प्रस्तावमा जनमत तयार भए पनि कांग्रेसले आन्तरिक विवादको कारण विश्वासको मत दिन इन्कार गरेपछि मुख्यमन्त्रीले राजीनामा दिन लागेको बताइएको छ ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया