तानसेन महोत्सवको ठेक्काबाट नगरपालिकालाई ९५ लाख आम्दानी

प्रेस संवाददाता प्रेस संवाददाता
|
शुक्रबार, चैत्र १५, २०८१
|
|
३८ पटक हेरिएको
Shares
तानसेन महोत्सवको ठेक्काबाट नगरपालिकालाई ९५ लाख आम्दानी

सारांश

  • चितवन भरतपुरस्थित एभरेस्ट इभेन्ट म्यानेजमेन्ट प्रालिले ९५ लाख ५ हजार ५ सय ५४ रुपैयाँ ९९ पैसामा मेला महोत्सव सञ्चालनसम्बन्धी बोलपत्र आह्वानको सूचना बमोजिम अधिकतम मूल्यमा ठेक्का सकारेको हो ।
  • तानसेन नगरपालिकाको सूचनामा १० दिन लेखिए पनि अहिले १३ दिनको महोत्सव आयोजना गर्न लागिएको छ ।
  • सबैभन्दा धेरै बोल कबोल गर्ने एभरेस्ट इभेन्ट म्यानेजमेन्टलाई नगरपालिकाको आन्तरिक आय संकलन तथा आयसम्बन्धी कार्यविधि २०८० को दफा ४ र १० बमोजिम स्वीकृत गरिएको प्रमुख प्रशासकीय अधिकृत पिताम्बर पाण्डेयले बताए ।

 

१५ चैत,  पाल्पा —

पाल्पाको तानसेनमा चैत २२ बाट वैशाख ३ सम्म हुने कृषि, रोजगार पर्यटन उद्योग र व्यापार महेत्सवको ठेक्का निजी क्षेत्रलाई दिइएको छ । चितवन भरतपुरस्थित एभरेस्ट इभेन्ट म्यानेजमेन्ट प्रालिले ९५ लाख ५ हजार ५ सय ५४ रुपैयाँ ९९ पैसामा मेला महोत्सव सञ्चालनसम्बन्धी बोलपत्र आह्वानको सूचना बमोजिम अधिकतम मूल्यमा ठेक्का सकारेको हो । तानसेन नगरपालिकाको सूचनामा १० दिन लेखिए पनि अहिले १३ दिनको महोत्सव आयोजना गर्न लागिएको छ ।

सबैभन्दा धेरै बोल कबोल गर्ने एभरेस्ट इभेन्ट म्यानेजमेन्टलाई नगरपालिकाको आन्तरिक आय संकलन तथा आयसम्बन्धी कार्यविधि २०८० को दफा ४ र १० बमोजिम स्वीकृत गरिएको प्रमुख प्रशासकीय अधिकृत पिताम्बर पाण्डेयले बताए । टुँडिखेलमा हुने महोत्सवको मुख्य आयोजक भने नगरपालिका रहेको छ । नगरप्रमुख सन्तोषलाल श्रेष्ठले हस्ताक्षर गरेको विज्ञप्तिमा पाल्पा व्यापार संघ आयोजक रहेको छ । वन, वातावरण, पर्यटन तथा खानेपानी मन्त्रालय लुम्बिनी प्रदेश, पर्यटन विकास परिषद् लुम्बिनी प्रदेश र घरेलु तथा साना उद्योग पाल्पा सहआयोजक रहेका छन् । अघिल्लो वर्षसमेत यस्तै ठेक्का सूचना निकालेर निजी क्षेत्रलाई नै महोत्सव सञ्चालन गर्न दिइएको थियो ।

 

गतवर्ष नगरपालिकाले ६२ लाख आम्दानी गरेको थियो । नगरप्रमुख श्रेष्ठका अनुसार सुव्यवस्थित पूर्वाधार, पहिचानमूलक उत्पादन र हरित वातावरणयुक्त पर्यटकीय समावेशी सांस्कृतिक नगर तानसेनको नारा रहेको छ । महोत्सवमा पाल्पाली ढाका, करुवा, कृषि तथा पशुजन्य लगायत स्थानीय प्रविधिलाई प्रोत्साहन गरिने नगर उपप्रमुख प्रतीक्षा गाहा सिंजालीले बताइन् । माटाका भाडा, काठका ठेकाठेकीजस्ता उत्पादनलाई महोत्सवमा राखिनेछ ।

महोत्सवमा पहिलोपटक फिस टनेल, औद्योगिक वस्तु तथा सेवाको प्रदर्शनी र प्रवर्द्धन, लगानीका अवसर सिर्जना र आकर्षण गर्ने लघु घरेलु तथा साना उद्योगको प्रवर्द्धन र साना उद्यमी एवं व्यवसायीलाई प्रोत्साहन गर्ने कार्यक्रम रहेको उनले बताइन् । महोत्सवमा ५ लाखभन्दा बढी दर्शकले अवलोकन गर्ने र ८ करोड कारोबार हुने नगरपालिकाको अनुमान गरिएको छ । महोत्सव स्थलमा प्रवेश गर्नमा लागि ७५ रुपैयाँ र विद्यार्थीलाई ५० रुपैयाँ तथा जेष्ठ नागरिक र अपांगता भएका व्यक्तिलाई नि:शुल्क प्रवेशको व्यवस्था मिलाइएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

सहकारी ठगी मुद्दामा समर्पित इजलास गठन गर्न आग्रह
सहकारी ठगी मुद्दामा समर्पित इजलास गठन गर्न आग्रह
ग्रे-लिस्टबाट बाहिरिन विलासिता कर लगाइएको होः अर्थमन्त्री पौडेल
ग्रे-लिस्टबाट बाहिरिन विलासिता कर लगाइएको होः अर्थमन्त्री पौडेल
राजस्थानको प्लेअफ सम्भावना जीवितै, १४ वर्षीय सूर्यवंशीको कीर्तिमानी शतक
राजस्थानको प्लेअफ सम्भावना जीवितै, १४ वर्षीय सूर्यवंशीको कीर्तिमानी शतक
आन्तरिक राजस्व कार्यालय धरानका तत्कालीन कर अधिकृतसहित २ जना विरुद्ध भ्रष्टाचार मुद्दा
आन्तरिक राजस्व कार्यालय धरानका तत्कालीन कर अधिकृतसहित २ जना विरुद्ध भ्रष्टाचार मुद्दा
पाकिस्तानमा जनजातिहरूबीचको झडपमा ११ जनाको मृत्यु
पाकिस्तानमा जनजातिहरूबीचको झडपमा ११ जनाको मृत्यु
रास्वपा सांसदहरूसँग सभापति रवि लामिछानेको सामूहिक छलफल आज
रास्वपा सांसदहरूसँग सभापति रवि लामिछानेको सामूहिक छलफल आज
दोस्रो जितको खोजीमा दिल्ली र हैदराबाद, राजस्थान-चेन्नई आमनेसामने
दोस्रो जितको खोजीमा दिल्ली र हैदराबाद, राजस्थान-चेन्नई आमनेसामने
मधेश प्रदेशका आठवटै पूर्वाधार कार्यालयसंग कागजात माग
मधेश प्रदेशका आठवटै पूर्वाधार कार्यालयसंग कागजात माग
घरको छतबाट खसेर प्रहरीका असईको मृ*त्यु
घरको छतबाट खसेर प्रहरीका असईको मृ*त्यु
प्रधानमन्त्रीलाई संसद्‌मा उपस्थित हुन रुलिङ गर्न कांग्रेसको माग
प्रधानमन्त्रीलाई संसद्‌मा उपस्थित हुन रुलिङ गर्न कांग्रेसको माग