क्यान्सर रोगको परीक्षण सहित उपचार राज लक्ष्मी होस्पिटल कलैयामा शुरु

अमरेश कुमार पाण्डेय

५ कार्तिक, बारा। बाराको कलैया स्थित रहेको राज लक्ष्मी रिलिफ होस्पिटल प्राईभेट लिमिटेडले क्यान्सर रोग सम्बन्धि परीक्षण गर्दै उपचार शुरु गरेको छ।

राज लक्ष्मी रिलिफ होस्पिटलको सँचालक बिजय कुमार साहले बारा जिल्लामा नै राम्रो होस्पिटल नभएको महशुस गर्दै सुबिधा सम्पन्न होस्पिटल सँचालन गरेका थिए। तर हाल कलैया मेडिकलको हब बन्दै गएको हुनाले सेवाग्राहीहरु थप सुविधा दिन अग्रसर हुदै क्यान्सर पीडितहरुको लागि क्यान्सर सम्बन्धी परीक्षण गर्दै उपचार शुरु गरेका छन्। सँचालक यादवको अनुसार क्यानसर रोग सम्बन्धि परीक्षण निःशुल्क रहेको बताएका छन्। साथै यस होस्पिटलले बिगतको दिनदेखि नै अर्थो , ईएनटी र सर्जरी सम्बन्धि सफल शल्यक्रिया गर्दै आईरहेका अब स्त्रीहरुको स्तन क्यान्सर , पाईल्स क्यान्सर लगायत अन्य क्यान्सर सम्बन्धी निःशुल्क परीक्षण गरी शल्यक्रिया गर्दै उपचार शुरु गरीएको बताएका छन्।

साथै राज लक्ष्मी रिलिफ होस्पिटलले एनआईसियु , आइसियु सेवा प्रदान गर्दै आएको छ। भने भेन्टिलेटर उपलव्ध गराई कलैयाको पहिलो प्राईभेट होस्पिटल बनेको छ। राज लक्ष्मी रिलिफ होस्पिटलले सेवाग्राहीहरु उपचारलाई ध्यानमा राखि डिएम डाक्टरहरुको टिमबाट सेवा प्रदान गर्दै आएको छ। भने फोक्सो रोग सम्बन्धि रोगको बिशेषज्ञ डाक्टरबाट शल्यक्रिया सहित उपचार भईरहेको जानकारी सँचालक साहले बताएका छन्।

सेवाग्राहीहरु सबै किसिमको परीक्षण सहित उपचार गराउँदा एकै ठाउँमा हुने गरीएको छ। उपचार पछि निको भएपछि एकै चोटि बिल भुक्तानी गर्नुपर्ने भएकाले समाजमा उक्त होस्पिटल मँहगो भएको गुनासो रहेको समेत साहले जानकारी दिएका छन्। अरु होस्पिटलले परीक्षणहरु अरु ठाउँमा गराउने भएकोले अन्तिम बिल कम भएको समेत जानकारी साहले दिएका छन्।