कोशी प्रदेशका मुख्यमन्त्री कार्कीले पाए विश्वासको मत

२ असोज , माेरङ – कोशी प्रदेशका मुख्यमन्त्री हिक्मतकुमार कार्कीले विश्वासको मत हासिल गरेका छन्।९३ प्रदेश सभा सदस्य रहको प्रदेश सभामा मुख्यमन्त्री कार्कीले ६६ मत हासिल गरेका हुन्। सरकारको विश्वासको मतका लागि ४७ सांसदको मत आवश्यक हुन्छ। सभामुख अम्बरबहादुर विष्टका अनुसार मुख्यमन्त्री कार्कीको पक्षमा ६६ मत हासिल गरेको र विपक्षमा १५ मत परेको घोषणा गरे। प्रदेशसभाको मतदानमा ८३ प्रदेश सांसदहरुको सहभागिता रहेको बताएका सभामुख विष्टले मत नहालेर तटस्थ बस्नेको अवस्था शून्य रहेको जानकारी दिए। यससँगै मुख्यमन्त्री कार्कीले दुईतिहाईसहित बिश्वासको मत प्राप्त गरेका हुन्। मतदानका क्रममा नेकपा एकीकृत समाजवादी पार्टीका २ जना सांसदले भने मतदानमा सहभागिता जनाएनन्।यसअघि मुख्यमन्त्री कार्कीले गत बैशाख ३१ गते बिश्वासको मत लिएका थिए। नेकपा माओवादी केन्द्र कोशी प्रदेशले सरकारबाट गत भदौ १४ गते समर्थन फिर्ता लिएपछि कार्कीले दोस्रोपटक बुधबार विश्वासको मत लिएका हुन्। प्रदेश सभामा सरकारको नेतृत्व गरिरहेको एमालेको ४० ,नेपाली कांग्रेसका २९, नेकपा माओवादी केन्द्रका १३ ,राप्रपाका ६ नेकपा एकीकृत समाजवादीका ४ र जसपाको एक प्रदेश सभा सदस्य छन्।