भूमि प्रशासन कार्यालय ललितपुरका ३ कर्मचारी ३ लाख घुससहित पक्राउ
सारांश
- ललितपुरको लखनखेलस्थित भूमि प्रशासन कार्यालयका ३ कर्मचारी (नायब सुब्बा) लाई अख्तियार दुरुपयोग अनुसन्धान कार्यालयको टोलीले ३ लाख घुस रकमसहित नियन्त्रणमा लिएको छ।
- अख्तियारका प्रवक्ता सुरेश न्यौपानेले शनिबार दिएको जानकारीअनुसार उक्त कार्यालयका नायब सुब्बाहरू उत्तम कुँवर, विशाल सुन्दास र राजकुमार मगरसहितका व्यक्तिलाई ललितपुर महानगरपालिकाकै वडा नं ४ स्थित एक होटलबाट शुक्रबार घुस रकमसहित पक्राउ गरिएको हो।
- उनीहरूका साथै लेखापढी व्यवसायीहरू शैलेन्द्र रानामगर र समिर कटवाललाई समेत नियन्त्रणमा लिइएको उनले जानकारी दिए।
१६ साउन, काठमाडौं ।
ललितपुरको लखनखेलस्थित भूमि प्रशासन कार्यालयका ३ कर्मचारी (नायब सुब्बा) लाई अख्तियार दुरुपयोग अनुसन्धान कार्यालयको टोलीले ३ लाख घुस रकमसहित नियन्त्रणमा लिएको छ। अख्तियारका प्रवक्ता सुरेश न्यौपानेले शनिबार दिएको जानकारीअनुसार उक्त कार्यालयका नायब सुब्बाहरू उत्तम कुँवर, विशाल सुन्दास र राजकुमार मगरसहितका व्यक्तिलाई ललितपुर महानगरपालिकाकै वडा नं ४ स्थित एक होटलबाट शुक्रबार घुस रकमसहित पक्राउ गरिएको हो।
उनीहरूका साथै लेखापढी व्यवसायीहरू शैलेन्द्र रानामगर र समिर कटवाललाई समेत नियन्त्रणमा लिइएको उनले जानकारी दिए। जग्गाको बकसपत्र गराउन सेवाग्राहीसँग घुस मागेको गरेको भन्ने उजुरीका आधारमा अख्तियार दुरुपयोग अनुसन्धान आयोग, टंगालबाट खटिएको टोलीले उनीहरूलाई घुसबापत लिएको ३ लाख रुपैयाँसहित पक्राउ गरेको अख्तियारले जनाएको छ। साथै उनीहरूको साथबाट स्रोत नखुलेको २४ हजार ८९० रुपैयाँ पनि बरामद गरिएको छ। उनीहरूका विषयमा थप अनुसन्धान भइरहेको अख्तियारले जनाएको छ।
प्रतिक्रिया