सर्लाहीमा प्रहरीका लागि निःशुल्क स्वास्थ्य शिविर

११ जेठ, सर्लाही ।

सर्लाहीको सदरमुकाम मलंगवास्थित जिल्ला प्रहरी कार्यालय परिसरमा सोमबार निःशुल्क स्वास्थ्य शिविर सञ्चालन गरिएको छ। नेपाल प्रहरीका कर्मचारीलाई लक्षित गरी आयोजित शिविरमा थाइराइड तथा सुगर रोगको परीक्षण गरिएको हो। नेपाल प्रहरी का अनुसार तिरुपति बालाजी अस्पताल प्रा.लि., मलंगवाको आयोजनामा सञ्चालन गरिएको शिविरमा सय भन्दा बढीको नमुना संकलन गरिएको थियो। शिविरमा T3, T4, TSH तथा सुगर परीक्षणका लागि आवश्यक स्याम्पल संकलन गरिएको अस्पतालले जनाएको छ।

शिविरमा विशेषज्ञ चिकित्सकद्वारा स्वास्थ्य परामर्शसमेत प्रदान गरिएको थियो। कार्यक्रम प्रहरी साझेदारी अवधारणाअनुसार सञ्चालन गरिएको आयोजकले जनाएको छ। शिविरबारे जानकारी दिँदै JCI मलंगवा का उपाध्यक्ष सुभाष गुप्ता ले स्वास्थ्य सचेतना अभिवृद्धि गर्ने उद्देश्यले शिविर आयोजना गरिएको बताए। उनका अनुसार शिविरमा प्रहरी कर्मचारीका साथै सर्वसाधारणको समेत उल्लेख्य सहभागिता रहेको थियो। कार्यक्रमको समन्वय JCI मलंगवाले गरेको जनाएको छ।