२६ पुष, बारा । अमरेश कुमार पाण्डेय

जन अधिकार पार्टीले बारा जिल्लामा आफ्नो जिल्ला कार्यसमिति गठन एवं बिस्तार गरेको छ । बारा जिल्लाको सदरमुकाम कलैया स्थित होटेल करण राज प्यालेसमा एक कार्यक्रमको आयोजना गरि संजय सहनीलाई पार्टी प्रवेश गराउँदै बारा जिल्लाको अध्यक्षमा चयन गरेको छ । सहनी सगै १५० जना बिभिन पार्टी परित्याग गरी जन अधिकारमा प्रवेश गरे

देशको बिकास र निकास युवाहरुले मात्र दिन सक्ने भएकोले अबको आउँदो चुनावमा युवाहरुले बढी भन्दा बढी उम्मेदवारी दिई देशको लागि आफ्नो अहम योगदान दिन संजय सहनीले आह्वान गरे । पार्टीका केन्द्रिय अध्यक्ष डा. शरद सिंह यादवको प्रमुख अतिथिय तथा संजय सहनीको अध्यक्षतामा सम्पन्न कार्यक्रममा सयौं जनाले पार्टी प्रवेश गरेको पार्टीका एक नेताले जानकारी दिए । सहनी यस अघि जनमत पार्टीमा आबद्ध रहेका थिए । पार्टी प्रवेश कार्यक्रममा केन्द्रिय नेता संजय यादव, किरण साह, पर्सा जिल्ला अध्यक्ष गगनदेव यादव लगायतकाको उपस्थिति रहेको थियो ।