१८ पुष, काठमाडौँ ।

नेपाली कांग्रेसका पूर्वउपसभापति विमलेन्द्र निधिले विशेष महाधिवेशनको औचित्य मंसिर १५ गते नै सकिएकाे बताएका छन् । कार्यसम्पादन समिति बैठकमा भाग लिन शुक्रबार पार्टी केन्द्रीय कार्यालय पुगेका निधिले पत्रकारहरूसँग नियमित महाधिवेशनको कार्यतालिका ल्याएपछि विशेष महाधिवेशनको औचित्य सकिएको बताएका हुन् । ‘विशेष महाधिवेशनको औचित्य मंसिर १५ गते नै सकिएकाे छ,’ निधिले पत्रकारहरूसँग भने ।

पत्रकारहरूले विशेष महाधिवेशनका लागि हल बुक भइसक्यो । हुने निश्चित भयो भन्ने प्रश्नमा छोटो जवाफ दिँदै भने, ‘कसले भन्छ हुन्छ भनेर, हुँदैन ।’ पार्टी फागुन २१ गतेका लागि घोषित प्रतिनिधिसभा निर्वाचनको तयारीमा लागेको निधिले बताए । पत्रकारहरूले पार्टीभित्र देखिएको विवादमा कसरी अगाडि बढ्नुहुन्छ भन्ने प्रश्नको जवाफ भने दिएनन् ।