ट्रकले स्कुटरलाई ठक्कर दिँदा २६ वर्षकी युवतीको मृ*त्यु
काठमाडौँमा सवारी दुर्घटना हुँदा एक युवतीको ज्यान गएको छ।
काठमाडौं महानगरपालिका-६ चुच्चेपाटी भाटभाटेनीस्थित सडकमा म प्र ०३-००२ ख ४०६७ नम्बरको ट्रकले बा ८६ प ७४५७ नम्बरको स्कुटरलाई मंगलबार दिउँसो ठक्कर दिँदा स्कुटरमा सवार बूढानीलकण्ठ नगरपालिका-१२ कपन बस्ने सिन्धुपाल्चोक बलेफी गाउँपालिका-६ घर भएकी २६ वर्षीया सीता तिमल्सिनाको मृत्यु भएको प्रहरीले जनाएको छ। दुर्घटनामा गम्भीर घाइते भएकी उनको सामुदायिक स्तुपा अस्पताल चुच्चेपाटीमा उपचारको क्रममा मृत्यु भएको हो। दुवै सवारी साधनका चालकहरूलाई प्रहरीले नियन्त्रणमा लिएको छ।
Post Comment