भुइँमै कार्यपालिकाको बैठक

प्रेस संवाददाता

मंगलबार, भाद्र ३१, २०८२

५० पटक हेरिएको

प्रेस संवाददाता

जेनजी आन्दोलनका क्रममा कार्यालय तोडफोड र आगजनी भएपछि इटहरी उपमहानगरपालिकाले भुइँमै बसेर कार्यपालिका बैठक सम्पन्न गरेको छ ।
उपमहानगरपालिकाको कार्यालयमा आगजनी भएको ८ दिनपछि मंगलबार कार्यपालिकाको बैठक बसेको हो ।
उपमहानगरको प्राङ्गणमा नगर प्रमुख हेमकर्ण पौडेल, उपप्रमुख सङ्गीता चौधरीसहित कार्यपालिका सदस्यहरू भुइँमै बसेर बैठक सम्पन्न गरेका हुन् ।

३१ भदाै, सुनसरी ।

जेनजी आन्दोलनका क्रममा कार्यालय तोडफोड र आगजनी भएपछि इटहरी उपमहानगरपालिकाले भुइँमै बसेर कार्यपालिका बैठक सम्पन्न गरेको छ । उपमहानगरपालिकाको कार्यालयमा आगजनी भएको ८ दिनपछि मंगलबार कार्यपालिकाको बैठक बसेको हो । उपमहानगरको प्राङ्गणमा नगर प्रमुख हेमकर्ण पौडेल, उपप्रमुख सङ्गीता चौधरीसहित कार्यपालिका सदस्यहरू भुइँमै बसेर बैठक सम्पन्न गरेका हुन् ।

भदौ २३ र २४ गते भएको जेनजीको आन्दोलनका क्रममा उपमहानगरको कार्यालयमा प्रदर्शनकारीले आगजनी गरेका थिए । आगजनीबाट कार्यालय ध्वस्त भएको छ । आन्दोलनका क्रममा नगर प्रमुख पौडेल बस्ने भवन खरानी बनेको छ । प्रदर्शनका क्रममा पौडेलेको घरमा समेत आगो लगाइएको थियो । आन्दोलनका क्रममा इटहरीमा २ जना प्रदर्शनकारीको प्रहरीले चलाएको गोली लागेर मृत्यु भएको थियो ।