चितवन निकुञ्ज घुम्न अनलाइनबाटै टिकट
सारांश
- पर्यटकहरूको अनलाइन टिकट काट्ने भन्दै प्रकृया सुरु गरेको झण्डैं ३ बर्ष पछि चितवन राष्ट्रिय निकुञ्जले अनलाइन टिकट काट्ने काम आजदेखि सुरु गरेको छ ।
- निकुञ्जले ट्रायलका रुपमा सौराहा पोष्टबाट पर्यटकहरूको अनलाइन टिकट काट्ने व्यवस्था आजदेखि मिलाएको निकुञ्जका प्रमुख वरिष्ठ संरक्षण अधिकृत डिलबहादुर पुर्जा पुनले जानकारी दिए ।
- वन्यजन्तु वन्यजन्तु अवलोकनका लागि सबैभन्दा धेरै पर्यटक जाने चितवन राष्ट्रिय निकुञ्जमा अनलाइन नहुँदा होटल तथा पर्यटन व्यवसायीहरूसमेत आजित बनेका थिए ।
२९, असोज, चितवन । पर्यटकहरूको अनलाइन टिकट काट्ने भन्दै प्रकृया सुरु गरेको झण्डैं ३ बर्ष पछि चितवन राष्ट्रिय निकुञ्जले अनलाइन टिकट काट्ने काम आजदेखि सुरु गरेको छ । निकुञ्जले ट्रायलका रुपमा सौराहा पोष्टबाट पर्यटकहरूको अनलाइन टिकट काट्ने व्यवस्था आजदेखि मिलाएको निकुञ्जका प्रमुख वरिष्ठ संरक्षण अधिकृत डिलबहादुर पुर्जा पुनले जानकारी दिए ।
वन्यजन्तु वन्यजन्तु अवलोकनका लागि सबैभन्दा धेरै पर्यटक जाने चितवन राष्ट्रिय निकुञ्जमा अनलाइन नहुँदा होटल तथा पर्यटन व्यवसायीहरूसमेत आजित बनेका थिए । पर्यटकहरू भौतिक रुपमा नै उपस्थित भएर नगद लगेर मात्रै टिकट लिनुपर्ने अवस्था रहेको थियो ।निकुञ्ज प्रवेश गर्ने विभिन्न १२ वटा नाकाहरू मध्ये सबैभन्दा धेरै पर्यटक जाने सौराहा क्षेत्रबाट अनलाइन टिकटको काम सुरु गरिएको प्रमुख संरक्षण अधिकृत पुर्जाले जानकारी दिए । ‘हाम्रोमा धेरै आइटमहरू छन्, अघिल्लो कार्यकालमा म हुँदा नै अनलाइन टिकटमा जाने भनेर तयारी पनि गरिएको थियो, तर निकै ढिला भयो,’ प्रमुख वरिष्ठ संरक्षण अधिकृत पुर्जाले भने, ‘अहिले सौराहा क्षेत्रबाट परीक्षण सुरु गरेका छौं, यसको अवस्था हेरेर अन्य निकुञ्ज प्रवेश गर्ने नाकाहरूमा समेत अनलाइन टिकट काट्ने व्यवस्था गरिनेछ ।’
सौराहा, कसरा, घटगाई, मेघौली, बनकट्टा माडी, कुजौली नवलपरासी र अमलटारीबाट पर्यटकहरूलाई निकुञ्ज प्रवेश गर्न दिइन्छ । निकुञ्जका प्रमुख बरिष्ठ संरक्षण अधिकृत डिलबहादुर पुर्जा पुनले निकुञ्ज प्रवेश गर्ने आन्तरिक तथा बाह्य पर्यटक मध्ये सबैभन्दा धेरै झण्डै ८० प्रतिशतभन्दा बढी पर्यटक सौराहाबाट नै आउने भएकाले सौराहालाई केन्द्रित गरेर अनलाइन भुक्तानी प्रणाली जडान गरिएको बताए ।
सम्बन्धित खबर
प्रतिक्रिया