सात दलले आज ‘अग्रगामी मोर्चा’ घोषणा गर्दै
सारांश
- जनता समाजवादी पार्टी (जसपा) नेपालसहित सात राजनीतिक दलले शनिबार ‘अग्रगामी मोर्चा’ घोषणा गर्ने भएका छन् ।
- जसपा नेपाल, जनमत पार्टी, आम जनता पार्टी, प्रगतिशील लोकतान्त्रिक पार्टी, नागरिक उन्मुक्ति पार्टी नेपाल, नेपाल संघीय समाजवादी पार्टी र बहुजन एकता पार्टी नेपालले संयुक्त रूपमा मोर्चा घोषणा गर्न लागेका हुन् ।
- प्रगतिशील लोकतान्त्रिक पार्टीका प्रचार विभाग प्रमुख रजमान तामाङका अनुसार मोर्चा घोषणा कार्यक्रम दिउँसो १ बजे काठमाडौंको थापागाउँस्थित ब्यांक्वेटमा हुनेछ ।
२३ साउन, काठमाडौं ।
जनता समाजवादी पार्टी (जसपा) नेपालसहित सात राजनीतिक दलले शनिबार ‘अग्रगामी मोर्चा’ घोषणा गर्ने भएका छन् । जसपा नेपाल, जनमत पार्टी, आम जनता पार्टी, प्रगतिशील लोकतान्त्रिक पार्टी, नागरिक उन्मुक्ति पार्टी नेपाल, नेपाल संघीय समाजवादी पार्टी र बहुजन एकता पार्टी नेपालले संयुक्त रूपमा मोर्चा घोषणा गर्न लागेका हुन् । प्रगतिशील लोकतान्त्रिक पार्टीका प्रचार विभाग प्रमुख रजमान तामाङका अनुसार मोर्चा घोषणा कार्यक्रम दिउँसो १ बजे काठमाडौंको थापागाउँस्थित ब्यांक्वेटमा हुनेछ ।
मोर्चाको उद्देश्य, संरचना र भावी कार्यदिशाबारे घोषणा कार्यक्रममा जानकारी गराइने नेताहरूले बताएका छन् । सात दलले गत सोमबार ललितपुरमा छलफल गरी ‘अग्रगामी मोर्चा’ गठन गर्ने निर्णय गरेका थिए । छलफलमा जसपा नेपालका अध्यक्ष उपेन्द्र यादव, प्रगतिशील लोकतान्त्रिक पार्टीका संरक्षक जनार्दन शर्मा, जनमत पार्टीका अध्यक्ष सीके राउतलगायत नेताहरू सहभागी थिए । त्यस्तै आम जनता पार्टीका अध्यक्ष प्रभु साह, जसपा नेपालका नेता जितेन्द्र सोनललगायत पनि छलफलमा सहभागी थिए ।
प्रतिक्रिया