सीजी इलेक्ट्रोनिक्सको कारोबारमा ५७ प्रतिशत गिरावट

प्रेस संवाददाता प्रेस संवाददाता
|
शनिबार, आषाढ ६, २०८३
|
|
२२१ पटक हेरिएको
Shares
सीजी इलेक्ट्रोनिक्सको कारोबारमा ५७ प्रतिशत गिरावट

सारांश

  • चौधरी ग्रुप अन्तर्गत सञ्चालित सीजी इलेक्ट्रोनिक्स प्रालिको कारोबार चालु आर्थिक वर्ष २०२५÷२६ को पहिलो छ महिनामा करिब ५७ प्रतिशतले घटेको छ ।
  • सेप्टेम्बर २०२५ मा भएको जेनजी आन्दोलनमा कम्पनीको एसेम्बली प्लान्ट र गोदाम पूर्ण रूपमा नष्ट भएपछि उत्पादन तथा आपूर्ति प्रणाली प्रभावित हुँदा कम्पनीको आम्दानी र नाफामा उल्लेख्य गिरावट आएको हो ।
  • रेटिङ एजेन्सी इक्रा नेपालको रेटिङ प्रतिवेदन अनुसार कम्पनीले चालु आर्थिक वर्षको पहिलो छ महिनामा १४९ करोड रुपैयाँ सञ्चालन आम्दानी गरेको छ, जुन अघिल्लो वर्षको तुलनामा उल्लेखनीय रूपमा कम हो ।

 

काठमाडौं ।

चौधरी ग्रुप अन्तर्गत सञ्चालित सीजी इलेक्ट्रोनिक्स प्रालिको कारोबार चालु आर्थिक वर्ष २०२५÷२६ को पहिलो छ महिनामा करिब ५७ प्रतिशतले घटेको छ । सेप्टेम्बर २०२५ मा भएको जेनजी आन्दोलनमा कम्पनीको एसेम्बली प्लान्ट र गोदाम पूर्ण रूपमा नष्ट भएपछि उत्पादन तथा आपूर्ति प्रणाली प्रभावित हुँदा कम्पनीको आम्दानी र नाफामा उल्लेख्य गिरावट आएको हो । रेटिङ एजेन्सी इक्रा नेपालको रेटिङ प्रतिवेदन अनुसार कम्पनीले चालु आर्थिक वर्षको पहिलो छ महिनामा १४९ करोड रुपैयाँ सञ्चालन आम्दानी गरेको छ, जुन अघिल्लो वर्षको तुलनामा उल्लेखनीय रूपमा कम हो ।

सञ्चालन नाफा पनि अघिल्ला दुई वर्षमा १२–१३ प्रतिशतको हाराहारीमा रहेकामा घटेर करिब ७ प्रतिशत ८ प्रतिशतमा सीमित भएको छ । व्यवसाय प्रभावित हुँदा कम्पनीको इन्ट्रेस्ट कभरेज रेसियो समेत आर्थिक वर्ष २०२५ को ६.३ गुणाबाट घटेर १.७ मा झरेको छ । स्थिर खर्चको पर्याप्त उपयोग हुन नसक्नु र बिक्रीमा आएको गिरावटका कारण नाफा प्रभावित भएको विश्लेषणमा उल्लेख छ । यद्यपि, कम्पनीको वित्तीय आधार भने अझै सन्तुलित रहेको इक्रा नेपालले जनाएको छ । सन २०२६ जनवरी मध्यसम्म कम्पनीको गियरिङ अनुपात करिब ०.६ गुणा र कुल बाह्य दायित्व तथा मूर्त नेटवर्थ अनुपात करिब ०.९ गुणा रहेको छ, जसले पूँजी संरचना नियन्त्रणमै रहेको संकेत गर्दछ । इक्रा नेपालका अनुसार आन्दोलन पछि कार्यशील पुँजीमा दबाब बढे पनि कम्पनीसँग कार्यशील पुँजी उपयोग गर्न पर्याप्त क्षमता बाँकी रहेको छ । कार्यशील पुँजी तान्ने सीमामा करिब ४१ प्रतिशत हेडरुम उपलब्ध रहेको र बीमा दाबीबाट प्राप्त हुने रकमले नष्ट भएका मौज्दातको वित्तीय असर ठूलो मात्रामा कम गर्ने अपेक्षा गरिएको छ ।

सन् १९८८ मा स्थापना भएको सीजी इलेक्ट्रोनिक्स नेपालमा एलजी ब्रान्डका एलईडी टेलिभिजनको आधिकारिक आयातकर्ता, एसेम्बलर तथा वितरक हो । कम्पनीले सीजी, तोसिबा, सेन्सेई र टीसीएल ब्रान्डका टेलिभिजनसमेत आयात तथा विक्री वितरण गर्दै आएको छ । देशभर करिब एक हजार डिलर–वितरक, समूहका २८ वटा आउटलेट तथा अनलाइन प्लेटफर्ममार्फत कम्पनीले बिक्री सञ्जाल विस्तार गरेको छ । इक्रा नेपालका अनुसार कम्पनीको करिब चार दशक लामो सञ्चालन अनुभव, चौधरी ग्रुपको व्यावसायिक आधार, बलियो बिक्री सञ्जाल, विविध ग्राहक आधार तथा एलईडी टेलिभिजन बजारको बढ्दो मागलाई कम्पनीका मुख्य सबल पक्षका रूपमा उल्लेख गरेको छ । स्मार्ट टिभीप्रतिको उपभोक्ता आकर्षण बढ्दै जाँदा यस क्षेत्रको दीर्घकालीन सम्भावना सकारात्मक रहने अपेक्षा गरिएको छ । तर, आयात कर नीतिमा हुने सम्भावित परिवर्तन, इलेक्ट्रोनिक्स क्षेत्रमा बढ्दो प्रतिस्पर्धा, प्रविधिको तीव्र परिवर्तन तथा कम्पनीको आम्दानीको ठूलो हिस्सा एलजी र सीजी ब्रान्डमा निर्भर रहनु प्रमुख जोखिमका रूपमा औंल्याइएको छ । आर्थिक वर्ष २०२५ मा कम्पनीको करिब ८२ प्रतिशत आम्दानी यी दुई ब्रान्डबाट मात्रै आएको उल्लेख गरिएको छ । इक्रा नेपालले आगामी दिनमा कम्पनीले कारोबार र नाफाको स्तर पुनः वृद्धि गर्दै पूँजी संरचना र ऋण भुक्तानी क्षमतालाई सुदृढ राख्न सके त्यसले कम्पनीको समग्र वित्तीय प्रोफाइललाई थप मजबुत बनाउने जनाएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

अमेरिका लैजान्छु भन्दै ठगीको आरोपमा फिल्म ‘तेल भिसा’का निर्माताविरुद्ध उजुरी
अमेरिका लैजान्छु भन्दै ठगीको आरोपमा फिल्म ‘तेल भिसा’का निर्माताविरुद्ध उजुरी
वीरगन्जका मेयर सिंहलाई धरौटीमा रिहा गर्न आदेश
वीरगन्जका मेयर सिंहलाई धरौटीमा रिहा गर्न आदेश
पाकिस्तानमा बस दुर्घटना, ७ जनाको मृत्यु
पाकिस्तानमा बस दुर्घटना, ७ जनाको मृत्यु
राष्ट्र बैंकको कारबाहीमा पाँच वाणिज्य बैंक, स्ट्यान्डर्ड चार्टर्डलाई १४ करोड जरिवाना
राष्ट्र बैंकको कारबाहीमा पाँच वाणिज्य बैंक, स्ट्यान्डर्ड चार्टर्डलाई १४ करोड जरिवाना
जनआन्दोलन, मधेश आन्दोलन र जेनजी आन्दोलनका सहिदहरुलाई एक समान सुविधा दिने मधेश सरकारको तयारी
जनआन्दोलन, मधेश आन्दोलन र जेनजी आन्दोलनका सहिदहरुलाई एक समान सुविधा दिने मधेश सरकारको तयारी
कोटेश्वरमा ट्याङ्करको ठक्करबाट मोटरसाइकलमा सवार २५ वर्षीय युवकको मृ*त्यु
कोटेश्वरमा ट्याङ्करको ठक्करबाट मोटरसाइकलमा सवार २५ वर्षीय युवकको मृ*त्यु
रवि लामिछाने चीन जाने मिति तय, राष्ट्रपति सीसँग छैन भेट
रवि लामिछाने चीन जाने मिति तय, राष्ट्रपति सीसँग छैन भेट
खानेपानीको दिगो समाधान गर्न ठूला जलाशययुक्त आयोजनाको सम्भाव्यता अध्ययन भइरहेको छ : मन्त्री यादव
खानेपानीको दिगो समाधान गर्न ठूला जलाशययुक्त आयोजनाको सम्भाव्यता अध्ययन भइरहेको छ : मन्त्री यादव
केदारनाथको लागी उडेको हेलिकप्टर सडकमै अवतरण, पछाडिको भाग क्षतिग्रस्त
केदारनाथको लागी उडेको हेलिकप्टर सडकमै अवतरण, पछाडिको भाग क्षतिग्रस्त
पोखरीमा डुबेर बालिकाको मृत्यु
पोखरीमा डुबेर बालिकाको मृत्यु