सर्लाहीमा बसको ठ*क्करबाट पैदल यात्रीको मृ*त्यु
सारांश
- सर्लाहीको हरिवन नगरपालिका–११ स्थित कडरिया चौकमा बसको ठक्करबाट एक पैदल यात्रीको मृत्यु भएको छ।
- प्रहरीका अनुसार गएराति करिब ११:१५ बजे गाईघाटबाट काठमाडौँतर्फ जाँदै गरेको बा.
- प्र.
३१ वैशाख, सर्लाही ।
सर्लाहीको हरिवन नगरपालिका–११ स्थित कडरिया चौकमा बसको ठक्करबाट एक पैदल यात्रीको मृत्यु भएको छ। प्रहरीका अनुसार गएराति करिब ११:१५ बजे गाईघाटबाट काठमाडौँतर्फ जाँदै गरेको बा.प्र.०१–००६ ख ९६७० नम्बरको बसले पूर्व–पश्चिम राजमार्गमा पैदल हिँडिरहेका अन्दाजी ३५ वर्षीय पुरुषलाई ठक्कर दिएको हो।
दुर्घटनामा गम्भीर घाइते भएका ती पुरुषको घटनास्थलमै मृत्यु भएको प्रहरीले जनाएको छ। मृतकको पहिचान खुल्न नसकेको तथा मागी खाने व्यक्ति जस्तो देखिएको प्रहरीको भनाइ छ। मृतकको शव पोस्टमार्टमका लागि प्रादेशिक अस्पताल मलंगवातर्फ पठाइएको छ। दुर्घटनामा संलग्न बस र चालक त्रियुगा नगरपालिका–१० बसबारी निवासी ३५ वर्षीय कृष्णबहादुर खत्रीलाई प्रहरीले नियन्त्रणमा लिएको छ। घटनाबारे थप अनुसन्धान भइरहेको प्रहरीले जनाएको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया