कैलाली जिल्ला कारागारमा कैदीबन्दीको मृ*त्यु
सारांश
- कैलाली जिल्ला कारागारमा थुनामा रहेका कैदीबन्दीको मृत्यु भएको छ।
- डडेलधुरा जिल्लाको भागेश्वर गाउँपालिका–५ का २८ वर्षीय हरिश सिंह पालीको सोमबार उपचारका क्रममा सेती प्रादेशिक अस्पताल, धनगढीमा निधन भएको कैलाली प्रहरीले जनाएको छ।
- बैङ्किङ कसुरमा दोषी ठहर भई कैद सजाय भोगिरहेका पाली असार २ गते बिहान अचानक बिरामी परेका थिए।
३ असार, धनगढी ।
कैलाली जिल्ला कारागारमा थुनामा रहेका कैदीबन्दीको मृत्यु भएको छ। डडेलधुरा जिल्लाको भागेश्वर गाउँपालिका–५ का २८ वर्षीय हरिश सिंह पालीको सोमबार उपचारका क्रममा सेती प्रादेशिक अस्पताल, धनगढीमा निधन भएको कैलाली प्रहरीले जनाएको छ।बैङ्किङ कसुरमा दोषी ठहर भई कैद सजाय भोगिरहेका पाली असार २ गते बिहान अचानक बिरामी परेका थिए।
उनलाई तत्कालै उपचारका लागि अस्पताल पुर्याइएको भए पनि ज्यान जोगाउन सकिएको थिएन। कैलालीका प्रहरी नायब उपरीक्षक तथा प्रहरी प्रवक्ता राजकुमार सिंहका अनुसार पालीलाई असार २ गते बिहान ११ बजे अस्पताल भर्ना गरिएको थियो। अस्पतालमा उपचारकै क्रममा उनको मृत्यु भएको पुष्टि गरिएको छ। मृतकको शव परीक्षणका लागि सेती प्रादेशिक अस्पतालको शवगृहमा राखिएको छ। घटनाबारे थप अनुसन्धान भइरहेको प्रहरीले जनाएको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया