माओवादीको जागरण अभियान वैशाख १७ गते समापन हुने
सारांश
- प्रमुख प्रतिपक्ष नेकपा माओवादी केन्द्रको हुलाकी राजमार्गकेन्द्रित तराई–मधेश जागरण अभियान वैशाख १७ गते कञ्चनपुर समापन हुने भएको छ।
- प्रमुख सचेतक हितराज पाण्डेले आज सिंहदबारमा बसेको संसदीय दलको बैठकमा अध्यक्ष एवं दलका नेता पुष्पकमल दाहाल ‘प्रचण्ड’ले अभियान समापन गर्न लागेको जानकारी दिएको बताए।
- अब बर्दिया, कैलाली र कञ्चनपुरमा मात्र माओवादीको अभियान बाँकी छ।
११ वैशाख, काठमाडौं ।
प्रमुख प्रतिपक्ष नेकपा माओवादी केन्द्रको हुलाकी राजमार्गकेन्द्रित तराई–मधेश जागरण अभियान वैशाख १७ गते कञ्चनपुर समापन हुने भएको छ। प्रमुख सचेतक हितराज पाण्डेले आज सिंहदबारमा बसेको संसदीय दलको बैठकमा अध्यक्ष एवं दलका नेता पुष्पकमल दाहाल ‘प्रचण्ड’ले अभियान समापन गर्न लागेको जानकारी दिएको बताए। अब बर्दिया, कैलाली र कञ्चनपुरमा मात्र माओवादीको अभियान बाँकी छ।
‘कमी, कमजोरी आत्मसाथ गर्दै जनतामा फर्किने भनेर झापादेखि सुरु गरेर वैशाख १७ गते कञ्चनपुरमा लगेर अन्त्य गर्दैछौँ,’ उनले भने, ‘हाम्रो दलप्रति जनताले जुन खालको अपेक्षा गर्नुभएको छ, त्यसलाई संगठनमा, जनताका आवाज सदनमा ठिक ढंगले लैजाने निर्देशन दलका नेताले दिनुभएको छ।’ दलको बैठकमा ‘तराई-मधेस जागरण अभियान’मार्फत माओवादीप्रति पुनः जनविश्वास स्थापित भएको प्रचण्डले बताएका थिए।माओवादीले फागुन १२ गते झापाको कचनकवलबाट अभियान सुरु गरेको थियो।
प्रतिक्रिया