एमाले धादिङको अधिवेशन १ फागुनबाट सुरु हुने
सारांश
- प्रतिनिधि विवादका कारणले प्रभावित भएको नेकपा एमाले धादिङको जिल्ला अधिवेशन १ फागुनबाट सुरु हुने भएको छ ।
- अध्यक्ष मण्डलका अध्यक्ष धर्मदत्त देवकोटाले अधिवेशनको बन्दसत्र १ फागुन ११ बजे सुरु हुने सूचना जारी गरेका हुन् ।
- गत १९ माघमा उद्घाटन भएको अधिवेशन आन्तरिक विवादका कारणले अगाडि बढ्न सकेको थिएन ।
२३ माघ, काठमाडौं । प्रतिनिधि विवादका कारणले प्रभावित भएको नेकपा एमाले धादिङको जिल्ला अधिवेशन १ फागुनबाट सुरु हुने भएको छ ।
अध्यक्ष मण्डलका अध्यक्ष धर्मदत्त देवकोटाले अधिवेशनको बन्दसत्र १ फागुन ११ बजे सुरु हुने सूचना जारी गरेका हुन् । गत १९ माघमा उद्घाटन भएको अधिवेशन आन्तरिक विवादका कारणले अगाडि बढ्न सकेको थिएन । विवाद बढेपछि पार्टी अध्यक्ष केपी शर्मा ओलीले दुवै पक्षलाई बालकोट बोलाएर छलफल गरेका थिए । छलफलपछि प्रतिनिधि छनोटमाथि केन्द्रीय संगठन विभागले अनुसन्धान गरेर बन्द सत्र सुरु गर्ने सहमति जुटेको थियो । त्यसअनुसार, अधिवेशन अगाडि बढाउने जिम्मा भानुभक्त ढकाल र माधव ढुंगेलले पाएका थिए । तर अझैपनि आवश्यक गृहकार्य गर्नुपर्ने भन्दै १ फागुनसम्म अधिवेशन स्थगित गरिएको छ । एमाले धादिङको अध्यक्षमा भूमि त्रिपाठी र रामकुमार अधिकारी आकांक्षी छन् ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया