जडीबुटीबाट एक वर्षमा जाजरकोटवासीले कमाए २९ करोड रुपैयाँ

प्रेस संवाददाता प्रेस संवाददाता
|
बिहिबार, आश्विन १५, २०८३
|
|
३८९ पटक हेरिएको
Shares
जडीबुटीबाट एक वर्षमा जाजरकोटवासीले कमाए २९ करोड रुपैयाँ

सारांश

  • जाजरकोटवासीले गत आर्थिक वर्षमा जडीबुटी संकलनबाट २९ करोड रुपैयाँभन्दा बढी आम्दानी गरेका छन् ।
  • आर्थिक वर्ष २०८२/८३ मा जडीबुटी संकलन तथा निकासीबाट स्थानीय समुदायले २९ करोडभन्दा बढी आम्दानी गरेका हुन् ।
  • गत वर्ष जिल्लाबाट ३७ प्रजातिका जडीबुटी निकासी भएका थिए ।

१५ असोज, सुर्खेत । जाजरकोटवासीले गत आर्थिक वर्षमा जडीबुटी संकलनबाट २९ करोड रुपैयाँभन्दा बढी आम्दानी गरेका छन् ।

आर्थिक वर्ष २०८२/८३ मा जडीबुटी संकलन तथा निकासीबाट स्थानीय समुदायले २९ करोडभन्दा बढी आम्दानी गरेका हुन् ।

गत वर्ष जिल्लाबाट ३७ प्रजातिका जडीबुटी निकासी भएका थिए । जसले ग्रामीण क्षेत्रका बासिन्दाका लागि आम्दानी र जीविकोपार्जनको बाटो खोलेको छ ।

डिभिजन वन अधिकृत दीपेश केसीका अनुसार जिल्लाबाट टिमुर, रिठ्ठा, पदमचाल, पाषाणवेद, रातो च्याउ, झ्याउ, विषफेज, धुपीको पातलगायत ३७ प्रजातिका जडीबुटी निकासी भएका छन् ।

टिमुर मात्रै एक लाख ९८ हजार ७५९ किलो निकासी भएको छ । यसमध्ये निजी आवादीबाट एक लाख तीन हजार ५५५ किलो, सामुदायिक वनबाट ५३ हजार १७ किलो र सरकारद्वारा व्यवस्थित वन क्षेत्रबाट ४२ हजार ६८७ किलो निकासी भएको कार्यालयले जनाएको छ ।

संकलन भएको स्थानमा टिमुरको मूल्य प्रतिकिलो ५५० देखि ६५० रुपैयाँसम्म पर्ने गरेको छ । औसत प्रतिकिलो ६०० रुपैयाँका दरले हिसाब गर्दा टिमुरबाट मात्रै स्थानीयले करिब १२ करोड रुपैयाँभन्दा बढी आम्दानी गरेका छन् ।

यस्तै, झ्याउ संकलनबाट पनि ३ करोड रुपैयाँभन्दा बढी आम्दानी भएको कार्यालयले जनाएको छ ।

६० प्रतिशत भू–भाग वन

जाजरकोटको कुल भू–भागको ६०.१८ प्रतिशत वन क्षेत्रले ढाकेको छ । वन, वन्यजन्तु, जडीबुटी र जैविक विविधतामा धनी जिल्लामा जडीबुटी संकलन ग्रामीण अर्थतन्त्रको महत्वपूर्ण आधार बन्दै गएको डिभिजन वन कार्यालयको निष्कर्ष छ ।

‘जडीबुटी र यसको संकलनले स्थानीय समुदायलाई आम्दानी, रोजगारी, जीविकोपार्जन र सामुदायिक विकासमा टेवा पुर्‍याएको छ,’ डिभिजन वन अधिकृत केसीले बताए ।

गत आर्थिक वर्षमा जिल्लाबाट जडीबुटी मात्रै नभई वन पैदावारबाट समेत सरकार र समुदायले आम्दानी गरेका छन् ।

डिभिजन वन कार्यालयका अनुसार उक्त अवधिमा एक करोड तीन लाख ५८ हजार ३५४ रुपैयाँ राजस्व, ६८ लाख १६ हजार १६५ रुपैयाँ मूल्य अभिवृद्धि कर तथा सामुदायिक वनबाट २ करोड ६५ लाख ७० हजार ९३४ रुपैयाँ आम्दानी भएको छ ।

अतिक्रमण र वन्यजन्तु द्वन्द्व चुनौती

जडीबुटीबाट ठूलो आम्दानी भइरहेपनि वन डढेलो, अतिक्रमण, मानव–वन्यजन्तु द्वन्द्व तथा अवैध वन पैदावार चोरी–निकासी वन संरक्षणका प्रमुख चुनौतीका रूपमा देखिएका छन् ।

कार्यालयका अनुसार जिल्लामा हालसम्म एक हजार २२५ दशमलव ४५ हेक्टर वन क्षेत्र अतिक्रमणमा परेको छ ।

आर्थिक वर्ष २०८२/८३ मा ३८ वटा सामुदायिक वनमा ५५ पटक वन डढेलो लागेको थियो ।

सुरक्षा निकाय, वन उपभोक्ता, स्थानीय तह र समुदायको सहभागितामा डढेलो नियन्त्रण गरिएको कार्यालयले जनाएको छ ।

बाँदर, भालु, जंगली बँदेल र चितुवाबाट बालीनाली, पशुधन तथा मानवीय क्षति हुने गरेको छ । गत आर्थिक वर्षमा वन्यजन्तुबाट पीडितलाई ३ लाख ६० हजार रुपैयाँ राहत वितरण गरिएको छ ।

जडीबुटीको उत्पादन विस्तारका लागि निजी आवादी, सामुदायिक वन, कबुलियती वन तथा सार्वजनिक जग्गाको करिब ४० हेक्टर क्षेत्रमा टिमुर, रिठ्ठा, सिसौ, खयर, बोधिचित्त, तेजपात, ओखर, चिउरी र बोझोलगायत करिब ५५ हजार बिरुवा रोपिएको छ ।

डिभिजन वन कार्यालय परिसरमा रहेको बहुवर्षीय नर्सरीमा करिब ५० हजार एकवर्षीय तथा बहुवर्षीय बिरुवा उत्पादन गरिएको र करिब ११ हजार बिरुवा वितरण गरिएको कार्यालयले जनाएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
प्रेस संवाददाता
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?

यो पनि पढौँ

नवलपुरको बगैंचा एडभेन्चर रिसोर्टमा भीषण आगलागी
नवलपुरको बगैंचा एडभेन्चर रिसोर्टमा भीषण आगलागी
सहकारी ठगी प्रकरण : ज्योति गुरुङसहित दुई जनाविरुद्ध रेड नोटिस जारी गर्न इन्टरपोलमा प्रहरीको पत्र
सहकारी ठगी प्रकरण : ज्योति गुरुङसहित दुई जनाविरुद्ध रेड नोटिस जारी गर्न इन्टरपोलमा प्रहरीको पत्र
सिमरा अपडेट : २ राउन्ड हवाई फायरसहित ४ सेल अश्रु ग्यास प्रहार,
सिमरा अपडेट : २ राउन्ड हवाई फायरसहित ४ सेल अश्रु ग्यास प्रहार,
विहारका पूर्वमुख्यमन्त्री लालुप्रसादले आफ्ना छोरालाई गरे ६ वर्षको लागि पार्टीबाट निष्कासन
विहारका पूर्वमुख्यमन्त्री लालुप्रसादले आफ्ना छोरालाई गरे ६ वर्षको लागि पार्टीबाट निष्कासन
कानूनी प्रक्रियाको सामनाका लागि तयार रहनू – कान्तिपुरलाई रास्वपाको चेतावनी
कानूनी प्रक्रियाको सामनाका लागि तयार रहनू – कान्तिपुरलाई रास्वपाको चेतावनी
राजर्षिजनक विश्वविद्यालयद्वारा ५१ करोडभन्दा बढीको बजेट प्रस्तुत
राजर्षिजनक विश्वविद्यालयद्वारा ५१ करोडभन्दा बढीको बजेट प्रस्तुत
काठमाडौं महानगरले बाँड्यो ३५ एम्बुलेन्स, क–कसले पाए ? (सूचीसहित)
काठमाडौं महानगरले बाँड्यो ३५ एम्बुलेन्स, क–कसले पाए ? (सूचीसहित)
उद्योगमन्त्री साहसँग चिनियाँ राजदूतको शिष्टाचार भेट
उद्योगमन्त्री साहसँग चिनियाँ राजदूतको शिष्टाचार भेट
नेपाली क्रिकेट टिमकी अलराउन्डर पूजाले जितिन् यामाहाको स्कुटर
नेपाली क्रिकेट टिमकी अलराउन्डर पूजाले जितिन् यामाहाको स्कुटर
रवि लामिछानेलाई आज अदालतमा उपस्थित गराइँदै
रवि लामिछानेलाई आज अदालतमा उपस्थित गराइँदै