प्रमुख प्रशासकीय अधिकृत यादवविरुद्ध भ्रष्टाचार मुद्दा
सारांश
- महोत्तरीको सोनमा गाउँपालिकाका प्रमुख प्रशासकीय अधिकृत श्रीदेव यादवविरुद्ध भ्रष्टाचार मुद्दा दायर भएको छ।
- अख्तियार दुरुपयोग अनुसन्धान आयोगले ७२ हजार रुपैयाँ घु लिएको अभियोगमा आज विशेष अदालतमा आरोपपत्र दायर गरेको हो।
- यादवले सडक ढलान योजनाको कार्य सम्पन्न पश्चात भुक्तानी गर्ने क्रममा विभिन्न बहाना बनाई दुःख हैरानी दिई सेवाग्राहीसँग घुस÷रिसवत माग गरेको अख्तियारको दाबी छ।
५ असार, काठमाडौं ।
महोत्तरीको सोनमा गाउँपालिकाका प्रमुख प्रशासकीय अधिकृत श्रीदेव यादवविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले ७२ हजार रुपैयाँ घु लिएको अभियोगमा आज विशेष अदालतमा आरोपपत्र दायर गरेको हो। यादवले सडक ढलान योजनाको कार्य सम्पन्न पश्चात भुक्तानी गर्ने क्रममा विभिन्न बहाना बनाई दुःख हैरानी दिई सेवाग्राहीसँग घुस÷रिसवत माग गरेको अख्तियारको दाबी छ।
विशेष सूचनाका आधारमा आयोगको कार्यालय, बर्दिवासबाट खटिई गएको टोलीले यादवलाई सेवाग्राहीबाट ७२ हजार रुपैयाँ घुस लिइसकेको अवस्थामा नियन्त्रणमा लिइएको अख्तियारले जनाएको छ।अनुसन्धानको सिलसिलामा यादवले सडक ढलान योजना सञ्चालन गर्नका लागि सम्झौता भई सम्झौता अनुसारको कार्यसम्पन्न भएपश्चात भुक्तानी गर्नको लागि विभिन्न बहाना बनाई ७२ हजार रुपैयाँ घुस लिएको आयोगको भनाई छ। उनलाई भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुरमा बिगो ७२ हजार रुपैयाँ कायम गरी भ्रष्टाचार निवारण ऐन, २०५९ को दफा ३ को उपदफा (१) को देहाय (ख) बमोजिम कैद र सोही ऐनको दफा ३ को उपदफा (१) बमोजिम बिगोबमोजिम जरिवाना हुन मागदाबी लिई आरोपपत्र दायर गरिएको हो।
प्रतिक्रिया