नो–पार्किङमा राखिएको सरकारी मोटरसाइकल ट्राफिकको कारबाहीमा
सारांश
- जिल्ला प्रशासन कार्यालय सर्लाही अगाडि रहेको नो–पार्किङ क्षेत्रमा पार्क गरिएको सरकारी मोटरसाइकललाई ट्राफिक प्रहरीले कारबाही गरेको छ।
- जिल्लामा केही दिनअघि नयाँ प्रहरी उपरीक्षक (एसपी) आएसँगै ट्राफिक व्यवस्थापनमा कडाइ गरिएको छ।
- सोही अभियानअन्तर्गत नो–पार्किङ क्षेत्रमा राखिएको सरकारी मोटरसाइकललाई कारबाही गरिएको ट्राफिक प्रहरी कार्यालय मलंगवाका प्रमुख रविन्द्र खड्काले जानकारी दिए।
३० जेठ, सर्लाही । जिल्ला प्रशासन कार्यालय सर्लाही अगाडि रहेको नो–पार्किङ क्षेत्रमा पार्क गरिएको सरकारी मोटरसाइकललाई ट्राफिक प्रहरीले कारबाही गरेको छ।
जिल्लामा केही दिनअघि नयाँ प्रहरी उपरीक्षक (एसपी) आएसँगै ट्राफिक व्यवस्थापनमा कडाइ गरिएको छ। सोही अभियानअन्तर्गत नो–पार्किङ क्षेत्रमा राखिएको सरकारी मोटरसाइकललाई कारबाही गरिएको ट्राफिक प्रहरी कार्यालय मलंगवाका प्रमुख रविन्द्र खड्काले जानकारी दिए।
उनका अनुसार ट्राफिक नियम उल्लंघन गर्ने सरकारी वा निजी जुनसुकै सवारीसाधनलाई कानुनबमोजिम कारबाही गरिनेछ। साथै, उनले सबै सवारी चालक तथा सर्वसाधारणलाई ट्राफिक नियमको पालना गर्न आग्रह गरेका छन्।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया