१३ मंसिर, काठमाडौं ।

सिद्धार्थ बैंक नेपाल प्रिमियर लिग (एनपीएल) मा सुदूरपश्चिम रोयल्सविरुद्ध जनकपुर बोल्ट्सले पहिले ब्याटिङ गर्ने भएको छ।   कीर्तिपुरस्थित त्रिवि क्रिकेट मैदानमा जनकपुर बोल्ट्सका कप्तान वायने प्रानेलले टस जितेर पहिले ब्याटिङ रोजेका छन्।  जनकपुरले सुदूरपश्चिमविरुद्ध कप्तान परिवर्तन गरेको छ। अनिल साहलाई आजको खेलमा बेन्चमा राख्दा टोलीको नेतृत्व वायने प्रनिलले सम्हाल्नेछन्।

जनकपुरले आजको खेलमा एक खेलाडी परिवर्तन गरेको छ। अनिल साहको स्थानमा आदित्य महतो सुरुवाती ११ मा आएका छन्। सुदूरपश्चिमले आजको खेलमा एक खेलाडी परिवर्तन गरेको छ। नरेन साउँदको स्थानमा मिलन बोहरा सुरुवाती ११ मा आएका छन्।

सुदूरपश्चिम रोयल्सको टोली : दीपेन्द्रसिंह ऐरी, आरिफ शेख, अविनास बोहरा, ईशान पाण्डे, विनोद भण्डारी, हेमन्त धामी, मिलन बोहरा, क्रिस लिन, स्कट कुगेलाइन, जोस ब्राउन र हरमित सिंह।

जनकपुर बोल्ट्सको टोली: आशिफ शेख, शुभ कंसाकार, किशोर महतो, ललित राजवंशी, मयन यादव, आदित्य महतो, रुपेशकुमार सिंह, वायने प्रनिल, माज सदाकत, जान निकोल लफ्टी–इटोन र संजय कृष्णमूर्ति।