राष्ट्रपति भवनमा सर्वदलीय बैठक सुरु, को–को छन् सहभागी ?
२४ असोज, काठमाडौं ।
राष्ट्रपति रामचन्द्र पाैडेलको आह्वानमा सर्वदलीय बैठक सुरु भएको छ । शीतलनिवासमा सुरु भएकाे बैठकमा प्रधानमन्त्री सुशीला कार्कीसहित सबै मन्त्रीहरू सहभागी छन् । बैठकमा चुनावकाे तयारीबारेमा दलकाे धारणा लिने बुझिएकाे छ । बैठकमा कांग्रेस, एमाले, माओवादीलगायत दलका नेताहरूकाे सहभागिता रहेकाे राष्ट्रपति पाैडेलकाे सचिवालयले जानकारी दिएकाे छ ।
बैठकमा कांग्रेसका उपसभापति पूर्णबहादुर खड्का, महामन्त्री गगन थापा, एमालेका वरिष्ठ उपाध्यक्ष ईश्वर पाेखरेल र महासचिव शंकर पाेखरेल, माओवादी केन्द्रबाट नेताहरू नारायणकाजी श्रेष्ठ र वर्षमान पुनलगायत सहभागी छन् । रास्वपाबाट कार्यवाहक सभापति डीपी अर्याल र सहमहामन्त्री विपिनकुमार आचार्य सहभागी छन् ।
Post Comment