झापामा महिलाको शंकास्पद मृत्यु, श्रीमान पक्राउ
सारांश
- झापाको कन्काई नगरपालिका–५ स्थित नारायणदल चोकमा ४० वर्षीया मनिषा लिम्बुको शंकास्पद मृत्यु भएको छ ।
- मंगलबार बिहान आफु बस्ने घरको बार्दलीमा लम्बु मृत अवस्थामा फेला परेकी थिइन् ।
- उनको घाँटीमा चोट देखिएको झापाका एसपी मिलन केसीले बताए ।
१२ चैत, काठमाडौं । झापाको कन्काई नगरपालिका–५ स्थित नारायणदल चोकमा ४० वर्षीया मनिषा लिम्बुको शंकास्पद मृत्यु भएको छ । मंगलबार बिहान आफु बस्ने घरको बार्दलीमा लम्बु मृत अवस्थामा फेला परेकी थिइन् । उनको घाँटीमा चोट देखिएको झापाका एसपी मिलन केसीले बताए । घटनामा संलग्न रहेको आशंकामा प्रहरीले उनका श्रीमान् ३९ वर्षीय लालबहादुर मग्रातीलाइ पक्राउ गरेको छ ।
नारायाणदल चोकस्थित एक घरको आँगनसँगैको टहरमा बस्ने उनीहरु मदजुरी गर्दै आएका थिए । सो घरमा २ वर्षदेखी बस्दै आएका उनीहरुबीच मंगलबार राति झगडा परेपछि लिम्बुले आत्महत्या गरेको हुनसक्ने अनुसन्धानमा संलग्न अधिकृतहरु बताउँछन् । घटनास्थलमा मोबाइल फुटेको अवस्थामा भेटिएको छ । ईलाका प्रहरी कार्यालय बिर्तामोडका डीएसपी प्रकाश विष्टले झगडा हुँदा मोबाइल फुटेको हुनसक्ने बताए ।
राति झगडा गरेको र बिहान पत्नी झुण्डिएको देखेपछि लालबहादुरले नै सल फुकाएको स्थानीयलाई बताएको र पत्नीको मृत्यु भएको भनेर उनले खबर गरेपछि स्थानीय घटनास्थलमा पुगेका हुन् । चक्कु र खुकुरीले लालबहादुर आफैंले घाँटी रेटेको प्रहरीले शंका गरेको छ । डीएसपी विष्ट भन्छन्, ‘लालबहादुरले पनि आत्महत्या प्रयास गरेको आशंका छ, हामी अनुसन्धान गर्दैछौँ।’ चक्कु र खुकुरी प्रहरीले बरामद गरेको छ । मृतकको शव परिक्षणको लागि धरानमा पठाइएको डीएसपी विष्टले जानकारी दिए ।
प्रतिक्रिया