५ वटा नदीको जलसतह खतराको तहमा पुग्यो

१९ असोज, काठमाडौँ ।

बाढी पूर्वानुमान महाशाखाले पूर्वका विभिन्न ५ वटा खोला तथा नदीहरूमा पानीको सतह खतराको तहभन्दा माथि पुगेको जनाएको छ । महाशाखाका अनुसार तमोर नदीले खतरा तह पार गरिसकेको छ ।

त्यस्तै सप्तकोसीको चतरामा र सुनसरी खोलाको बाढीको सतह पनि उच्च तहमा पुगेको छ । उता कन्काइको मैनाचुली र अरुणको सिम्ले खतराको नजिक पुगेको छ । दुई नदीको बहाव बढ्दो क्रममा रहेको बाढी पूर्वानुमान महाशाखाले जनाएको छ ।