गोंगबुबाट करिब चार करोड नगद र सुनसहित एक जना पक्राउ
१७ भदौ, काठमाडौं ।
काठमाडौंको गोंगबुबाट करिब चार करोड नगद र सुनसहित एक जना पक्राउ परेका छन् । काठमाडौं उपत्यका प्रहरी कार्यालय, रानीपोखरीबाट खटिएको प्रहरीले मंगलबार उक्त नगद र सुनसहित एक जनालाई पक्राउ गरेको हो । पक्राउ पर्नेमा विनोद श्रेष्ठ नाम गरेका व्यक्ति रहेको बताइएको छ ।
ठूलो मात्रामा अवैध रकम लुकाएर राखेको आशंकामा प्रहरीले एक घरमा छापा मारेको थियो । त्यसक्रममा ४ करोड नगद र सुन बरामद भएको उपत्यका प्रहरी कार्यालयका प्रवक्ता, एसएसपी शेखर खनालले जानकारी दिए । घटनाबारे थप अनुसन्धान भइरहेको प्रहरीले जनाएको छ ।
Post Comment