३० साउन, काठमाडौँ ।

श्रम, रोजगार तथा सामाजिक सुरक्षामन्त्री शरतसिंह भण्डारीले श्रमिक स्वस्थ भए मुलुक स्वस्थ हुने बताएका छन् । शुक्रबार सिंहदरबारमा प्रत्येक प्रदेशमा व्यवसायजन्य सुरक्षा तथा स्वास्थ्य क्षेत्रमा उत्कृष्ट अभ्यास गर्ने प्रतिष्ठानहरूलाई सम्मान गर्दै उनले यस्तो बताएका हुन् । उनले हरेक श्रमिकको जिम्मेवारी सरकारको भएको बताए । उनले श्रमिक स्वस्थ भए प्रतिष्ठान स्वस्थ हुने र मुलुक स्वस्थ हुने जिकिर गरे । उनले सबैले आफ्नो जिम्मेवारी गम्भीरतापूर्वक निर्वाह गर्नुपर्नेमा पनि जोड दिए ।

सरकार अहिले श्रम ऐन र विभिन्न ट्रेड युनियन ऐन संशोधन गर्ने प्रक्रियामा रहेको पनि बताए । उनले भने,‘हरेक श्रमिकको जिम्मेवारी हाम्रो हो । त्यो श्रमिक स्वस्थ भयो भने प्रतिष्ठान पनि स्वस्थ हुन्छ । मुलुक स्वस्थ हुन्छ । हामी सबैले आफ्नो जिम्मेवारी गम्भीरतापूर्वक लिनुपर्छ । तपाईँहरूको प्रतिष्ठानले उदाहरणीय काम गर्नुभएको छ । तपाईँहरूको प्रतिष्ठानको उदाहरण मन्त्रालयले अरू प्रतिष्ठानले पनि गर्न सक्छ भनेर उदाहरण दिन सक्छ ।