३२ असार सर्लाही।

सर्लाहीको हरिपुर नगरपालिका–१ जानकीनगर टोलमा निर्माणस्थलमा लापरवाहीका कारण एक बालकले ज्यान गुमाएका छन्। दिनेश यादवका ६ वर्षीय छोरा सुशान्त यादव मंगलबार बिहान घरबाट बेपत्ता भएपछि खोजी गर्दा राति करिब ११:३५ बजे सडक निर्माणको क्रममा खनिएको खाल्डोमा मृत भेटिएको जिल्ला प्रहरी कार्यालय सर्लाहीले जनाएको छ।

सडक निर्माण कार्यमा प्रयोग गरिएको जेसीबीले खनेको उक्त खाल्डोमा पानी जमेको थियो, जहाँ बालक डुबेका थिए। शव घरदेखि करिब ५०० मिटर टाढा दक्षिण–पूर्व दिशामा फेला परेको हो। घटना जानकारी लगत्तै इलाका प्रहरी कार्यालय मुर्तियाबाट प्रहरी निरीक्षक उदय कुमार झाको नेतृत्वमा टोली घटनास्थलमा पुग्यो। शव पोष्टमार्टमका लागि प्रादेशिक अस्पताल मलंगवा पठाइएको छ।