राप्ती स्वास्थ्य विज्ञान प्रतिष्ठानको शून्य बेरुजु

४ जेठ, दाङ । 

दाङमा शून्य बेरूजुको एकमात्र संस्था राप्ती स्वास्थ्य विज्ञान प्रतिष्ठान रहेको छ। आर्थिक बर्ष २०८०/ ०८१ मा प्रतिष्ठानको शुन्य बेरुजु रहेको राप्ती स्वास्थ्य बिज्ञान प्रतिष्ठानका रजिस्ट्रार प्रा. श्याम लम्सालले जानकारी दिए। महालेखा परिक्षकले सेवा प्रबाहदेखि आर्थिक हिसाब किताबको अडिटमा प्रतिष्ठानको शुन्य बेरुजु देखिएको हो । प्रतिष्ठानको विगत वर्षहरूमा वार्षिक करोडौ बेरुजू हुने गरेकोमा गत आव०८०/८१ मा मा सून्य वेरूजु भएको हो।

प्रतिष्ठानको आर्थिक कारोबार दोब्बर बढेतापनी बेरूजु सून्य हुनुले सुसाशनको अनुभुती दिएको रजिस्ट्रार लम्सालको दाबि गरे। nप्रतिष्ठानले आर्थिक ऐन नियमको अधिनमा रहेर सबै प्रकृया पुर्याइ आर्थिक कारोबार गर्ने भएकोले यो उपलब्धी हासिल गरेको रजिष्ट्रार लम्सालले बताए।गत आर्थिक बर्ष प्रतिष्ठानले ६६ करोड बढि आम्दानि गरेकोमा ५६ करोड खर्च भएको थियो । प्रतिष्ठानले गत बर्षसम्म नर्सिङ तर्फ ३० जना, बिएस्सिमा ४० जना बिद्यार्थीले पठनपाठन गराई रहेको छ । त्यस्तै एमबिबिएसमा ५० जना बिद्यार्थीलाई प्रतिष्ठानले पढाइ रहेको छ । यसैगरेर प्रतिष्ठानले एमडि/ एमएस/ एम. एस्सि नर्सिङ गरेर विभिन्न ८ वटा बिषयमा १५ वटा सिट प्राप्त गरेको छ।