१६ वैशाख, काठमाडौँ ।

आम जनता पार्टीका अध्यक्ष प्रभु शाहले तुलसीलाल अमात्य प्रतिष्ठानलाई एमालेको पार्टी कार्यालयको रुपमा प्रयोग गरेको प्रति आपत्ति व्यक्त गरेका छन् । प्रतिनिधिसभाको बैठकमा बोल्दै शाहले प्रतिष्ठानलाई पार्टीको कार्यालय बनाउनु आपत्तिजनक भएको भन्दै यसलाई तुरुन्त बन्द गर्नुपर्ने बताए ।

उनले भने- जुसको पसल खोल्ने भनेर रक्सी बेचिएको छ । तुलसीलाल अमात्य प्रतिष्ठान खोलेर पार्टीको कार्यालय संचालन गर्न पाइदैन । भाडामा नै दिने हो भने पनि प्रतिष्पर्धामा जानुपर्छ, एमालेले भन्दा बढी भाडा म तिर्न तयार छु । एमाले जस्तो धनि पार्टीले अहिलेसम्म पार्टी कार्यालय बनाउन सक्दैन । सरकारको बजेट हालेर प्रतिष्ठान बनाउने र त्यसलाई आफुले प्रयोग गर्ने विषय आपत्तिजनक छ ।’ शाहले देशकै धनि पार्टी भएको र भूकम्पले १० बर्षअघि पार्टी कार्यालय भत्काएपनि अहिलेसम्म बनाउन नसकेको भन्दै आलोचना गरे ।