सशस्त्र प्रहरीद्वारा पर्साबाट डेढ लाख क्याप्सुल लागूऔषध बरामद
सारांश
- पर्साको वीरगंज महानगरपालिका–३ स्थित प्रगतिगरको एक किराना पसलबाट शनिबार सशस्त्र प्रहरी बलले डेढ लाख भन्दाबढी क्याप्सुल लागूऔषध बरामद गरेको छ ।
- विशेष सूचनाको आधारमा प्रस्तावित सीमा सुरक्षा गुल्म वीरगंजबाट सशस्त्र प्रहरी नायव उपरीक्षक सुरज रिजालको कमाण्डमा खटिएको नं.
- १३ गण पर्सा, बिओपी सिर्सिया र वीरगंज भन्सार कार्यालयको संयुक्त टोलीले सोही ठाउँ बस्ने राजाराम महतो कोइरीले संचालन गरेको सृष्टी किराना जेनरल स्टोरमा शनिवार राती खानतलासी गरेको थियो ।
७ पुस, काठमाडौँ। पर्साको वीरगंज महानगरपालिका–३ स्थित प्रगतिगरको एक किराना पसलबाट शनिबार सशस्त्र प्रहरी बलले डेढ लाख भन्दाबढी क्याप्सुल लागूऔषध बरामद गरेको छ ।
विशेष सूचनाको आधारमा प्रस्तावित सीमा सुरक्षा गुल्म वीरगंजबाट सशस्त्र प्रहरी नायव उपरीक्षक सुरज रिजालको कमाण्डमा खटिएको नं. १३ गण पर्सा, बिओपी सिर्सिया र वीरगंज भन्सार कार्यालयको संयुक्त टोलीले सोही ठाउँ बस्ने राजाराम महतो कोइरीले संचालन गरेको सृष्टी किराना जेनरल स्टोरमा शनिवार राती खानतलासी गरेको थियो ।
सो क्रममा ५ वटा कार्टुनमा अबैध रुपले भण्डारण गरी राखिएको १ लाख ५१ हजार ८ सय ६० क्याप्सुल ट्रमाडोल हाइड्रोक्लोराईड नामक लागूऔषध बरामद भएको हो । स्टोर संचालक कोइरीलाई समेत वीरगंज भन्सार कार्यालय अगाडीबाट सशस्त्र प्रहरी बलले नियन्त्रणमा लिएको छ । नियन्त्रणमा लिइएका कोइरीलाई बरामद लागूऔषधसहित आवश्यक कारवाहीको लागि सम्बन्धित निकायमा बुझाइएको सशस्त्र प्रहरीले जनाएको छ।
प्रतिक्रिया