शिक्षा

विद्यालय शिक्षा विधेयकबारे मन्त्रीसँग छलफल गर्दै संसदीय समिति

प्रेस संवाददाता

बुधबार, मंसिर १९, २०८१

३५ पटक हेरिएको

विद्यालय शिक्षा विधेयकबारे मन्त्रीसँग छलफल गर्दै संसदीय समिति

प्रेस संवाददाता

प्रतिनिधि सभा अन्तर्गतको शिक्षा, स्वास्थ्य तथा सूचना प्रविधि समितिले विद्यालय शिक्षा विधेयकबारे छलफल अघि बढाउँदैछ ।
बुधबार समितिले विधेयकमाथि छलफल राखेको छ ।
जहाँ शिक्षा, विज्ञान तथा प्रविधि मन्त्री विद्या भट्टराईलाई आमन्त्रण गरिएको छ ।

१९ मंसिर, काठमाडौं । प्रतिनिधि सभा अन्तर्गतको शिक्षा, स्वास्थ्य तथा सूचना प्रविधि समितिले विद्यालय शिक्षा विधेयकबारे छलफल अघि बढाउँदैछ । बुधबार समितिले विधेयकमाथि छलफल राखेको छ । जहाँ शिक्षा, विज्ञान तथा प्रविधि मन्त्री विद्या भट्टराईलाई आमन्त्रण गरिएको छ ।

बैठक समितिको सचिवालय सिंहदरवारमा दिउँसो १ बजे बस्नेछ । समिति सचिवालयका अनुसार विधेयकमाथि संशोधन प्रस्ताव राख्ने संशोधनकर्ता सांसदहरूसँग एकसरो छलफल सकिएको छ । अब दफावार छलफल अगाडि बढाउने तयारी छ । यसका लागि बुधबार बैठम राखिएको हो । विद्यालय शिक्षा विधेयक २५ असोज २०८० देखि संसदमा विचाराधीन छ । सांसदहरूले १५२ समूहमा एक हजार ७५८ वटा संशोधन प्रस्ताव दर्ता गरेका थिए । संशोधनकर्ता सांसदहरुको प्रस्ताव समेतका आधारमा अब विधेयकमाथि दफावार छलफल सुरु गर्ने शिक्षा समितिको तयारी छ ।

मंगलबार मात्रै पनि सभामुख देवराज घिमिरेले विद्यालय शिक्षा विधेयकमाथि छलफल अगाडि बढाउन समिति सभापति अम्मबरबहादुर थापालाई भनेका थिए । राजनीतिक सहमति आवश्यक भए त्यसका लागि समेत पहल गर्न र राजनीतिक रुपमा सहमति गर्नुपर्ने विषय पहिचान गरेर आफूलाई समेत दिन सभामुख घिमिरेको आग्रह छ .