भरतपुरमा गुडिरहेको ईभीमा आ*गलागी हुँदा एक जनाको मृ*त्यु
सारांश
- भरतपुरमा गुडिरहेको विद्युतीय कारमा आगलागी हुँदा एक जनाको मृत्यु भएको छ ।
- भरतपुर महानगरपालिका–९ स्थित बसन्तचोक नजिकै पूर्व–पश्चिम राजमार्गको सर्भिस लेनमा शुक्रबार बिहान करिब ६ बजे कारमा आगलागी भएको हो ।
- जिल्ला प्रहरी कार्यालय चितवनका प्रहरी उपरीक्षक रामेश्वर पौडेलका अनुसार पूर्वबाट पश्चिमतर्फ आउँदै गरेको बागमती प्रदेश ०१–०३० च ५५७९ नम्बरको ईभी कारमा अचानक आगलागी भएको थियो ।
२६ भदौ, चितवन ।
भरतपुरमा गुडिरहेको विद्युतीय कारमा आगलागी हुँदा एक जनाको मृत्यु भएको छ । भरतपुर महानगरपालिका–९ स्थित बसन्तचोक नजिकै पूर्व–पश्चिम राजमार्गको सर्भिस लेनमा शुक्रबार बिहान करिब ६ बजे कारमा आगलागी भएको हो ।
जिल्ला प्रहरी कार्यालय चितवनका प्रहरी उपरीक्षक रामेश्वर पौडेलका अनुसार पूर्वबाट पश्चिमतर्फ आउँदै गरेको बागमती प्रदेश ०१–०३० च ५५७९ नम्बरको ईभी कारमा अचानक आगलागी भएको थियो । आगलागी हुँदा कारभित्रै रहेका एक जनाको जलेर मृत्यु भएको उनले बताए । दमकलको सहायताले आगो नियन्त्रणमा लिएपछि कारभित्र एक जना जलेर मृत अवस्थामा फेला परेका थिए । मृतकको परिचय खुल्न नसकेको प्रहरीले जनाएको छ । आगलागीबाट कार पूर्णरूपमा जलेर क्षतिग्रस्त भएको छ । कारमा आगो कसरी लाग्यो भन्नेबारे प्रहरीले अनुसन्धान थालेको छ । थम्बनेल तयार गरिएको छ।
कुल कमेन्ट:
0
प्रेस संवाददाता
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया