मुख्यमन्त्री थापालाई विश्वासको मत दिन र नदिन राप्रपामा बेग्लाबेग्लै ह्वीप
सारांश
- बागमतीका मुख्यमन्त्री किरण थापालाई विश्वासको मत दिने विषयले राप्रपामा थप विवाद बढेको छ ।
- राप्रपाको २ समूहले आफ्ना प्रदेश सांसदलाई फरक-फरक ह्वीप जारी गरेका छन् ।
- आइतबार प्रदेश प्रमुख सचेतक कुमारी तामाङले थापाको विपक्षमा मतदान गर्न ह्वीप जारी गरेकी थिइन् ।
काठमाडौं । बागमतीका मुख्यमन्त्री किरण थापालाई विश्वासको मत दिने विषयले राप्रपामा थप विवाद बढेको छ ।
राप्रपाको २ समूहले आफ्ना प्रदेश सांसदलाई फरक-फरक ह्वीप जारी गरेका छन् । आइतबार प्रदेश प्रमुख सचेतक कुमारी तामाङले थापाको विपक्षमा मतदान गर्न ह्वीप जारी गरेकी थिइन् । मतदान गर्न नसक्ने सांसदलाई तटस्थ रहन वा बैठकमा अनुपस्थित हुन भनिएको थियो ।
यसैगरी प्रमुख सचेतककै हैसियतमा डम्बर तामाङले अर्को ह्वीप जारी गर्दै बैठकमा अनिवार्य उपस्थित हुन र मुख्यमन्त्री थापालाई विश्वासको मत दिन भनेका छन् । उनको निर्देशनात्मक पत्रमा यही ‘भदौ ७ गतेको बैठकको निर्णय र दलका माननीय नेताज्यूको आदेश तथा राप्रपा संसदीय दलको विधान’ अनुसार भनिएको छ ।
मुख्यमन्त्री थापाले आज विश्वासको मत लिँदै छन् । पार्टी निर्णयविपरीत सरकार गठन प्रक्रियामा सहभागी भएको र समर्थन जनाएको भन्दै राप्रपाले दलका नेता उद्धव थापालाई पदमुक्त गर्दै सदस्यता निलम्बन गर्ने निर्णय गरेको छ । यहाँ राप्रपाका ३ सांसद पार्टी निर्णयविपरीत मन्त्री बनेका छन् ।
प्रतिक्रिया