गरिमालाई न्यायको माग गर्दै सिडिओमार्फत ज्ञापनपत्र
सारांश
- राष्ट्रिय स्वतन्त्र पार्टी (रास्वपा) मलंगवा नगर समितिले बारामा तीन वर्षीया बालिका गरिमा चौधरीमाथि भएको बलात्कारपछि हत्याको घटनामा संलग्न दोषीलाई कडा कारबाहीको माग गर्दै प्रमुख जिल्ला अधिकारीमार्फत ज्ञापनपत्र बुझाएको छ।
- रास्वपा मलंगवा नगर समिति तथा नगरअन्तर्गतका वडा सभापतिहरूको नेतृत्वमा जिल्ला प्रशासन कार्यालय सर्लाहीमा बुझाइएको ज्ञापनपत्रमा उक्त घटनालाई जघन्य, अमानवीय तथा मानवताविरुद्धको अपराधको संज्ञा दिँदै घोर भर्त्सना गरिएको छ।
- ज्ञापनपत्रमार्फत घटनामा संलग्न दोषीलाई तत्काल पक्राउ गरी निष्पक्ष र गहिरो अनुसन्धानका आधारमा कानुनबमोजिम कडा कारबाही गर्न तथा पीडित परिवारलाई न्याय सुनिश्चित गर्न सरकारसँग माग गरिएको छ।
५ भदौ, सर्लाही।
राष्ट्रिय स्वतन्त्र पार्टी (रास्वपा) मलंगवा नगर समितिले बारामा तीन वर्षीया बालिका गरिमा चौधरीमाथि भएको बलात्कारपछि हत्याको घटनामा संलग्न दोषीलाई कडा कारबाहीको माग गर्दै प्रमुख जिल्ला अधिकारीमार्फत ज्ञापनपत्र बुझाएको छ। रास्वपा मलंगवा नगर समिति तथा नगरअन्तर्गतका वडा सभापतिहरूको नेतृत्वमा जिल्ला प्रशासन कार्यालय सर्लाहीमा बुझाइएको ज्ञापनपत्रमा उक्त घटनालाई जघन्य, अमानवीय तथा मानवताविरुद्धको अपराधको संज्ञा दिँदै घोर भर्त्सना गरिएको छ।
ज्ञापनपत्रमार्फत घटनामा संलग्न दोषीलाई तत्काल पक्राउ गरी निष्पक्ष र गहिरो अनुसन्धानका आधारमा कानुनबमोजिम कडा कारबाही गर्न तथा पीडित परिवारलाई न्याय सुनिश्चित गर्न सरकारसँग माग गरिएको छ। त्यसैगरी, पछिल्लो समय सर्लाहीमा भइरहेका विभिन्न समसामयिक घटनालाई दृष्टिगत गर्दै जिल्लाको शान्ति–सुरक्षा व्यवस्था थप प्रभावकारी बनाउन र प्रशासनिक निगरानी सुदृढ गर्न प्रशासनको ध्यानाकर्षण गराइएको रास्वपा मलंगवा नगर समितिका सभापति रिसेन रायले जानकारी दिए।
प्रतिक्रिया